________________
रयणावलिकहा
ता पइरिक्के ठाउं नाउं पहुणो सयासओ एयं । नियबुद्धिपगरिसेणं काहं सव्वं पि भव्वमहं ।। ३६३२ || इय चिंतिऊण मंती पत्तो रायंऽतिए कएगंतो । विणयप्पणयपुरस्सरमाउच्छइ मंजुवयणो तं ॥ ३६३३ ॥
पहु ! हियकरो अहं तुह गूढेसु वि सव्वरज्जकज्जेस्सु । मंती मित्तो य न ता तमत्थि जं मह अकहणिज्जं ॥ ३६३४ ॥ ता सामिसाल ! का नाम कामिणीकुंभिकुंभसमसिहिणी जीए तमिममवत्थं नीओ अइवीरचित्तो वि ॥ ३६३५ ॥ लच्छीहरवच्छाओ लच्छिपि सई पि सक्कअंकाओ । गोरिं पि हरद्धंगाओ आणिउं तुह समप्पेमि ॥ ३६३६ ॥ ता तं साहसु सिग्घं पि तुह जहा पायपउमसरहंसिं । नियमेण करेमि न जइ ता जलणे चेव पविसामि ॥ ३६३७ ॥ समरंगणघणमग्गणनिहयाहियवारवारणगणस्स ।
अबला विसए पहुणो किन्न कलंका य कायरया ।। ३६३८ ॥ इस सोऊण पगब्भं मंतिपउत्तं निवो वि ईसीति । होऊण दढो मंतिस्स साहए सिविणवत्तंतं ॥ ३६३९
तं सोऊमाह मंती पहु ! एवं दुग्घडं पि संघडिही । जेण कयाइ वि सव्वाई हुंति सिविणाई सुकण ॥ ३६४० ॥ किंतु न तन्नयरस्स वि नज्जइ नामं पि कुलस्स वि न तीए । अहिनाणं पुण पयडं जं सरजलखंभधवलहरं ।। ३६४१ ॥
ता देव ! दढो होउं चिंतसु निरवज्जरज्जकज्जाई । एयत्थम्मि जइस्सं तह जह सा तुह पिया होही ॥ ३६४२ ॥ कारिय अणिवारियसत्ते पत्तदेसंतरागए पुरिसे । पुच्छिस्समहिनाणं सरजलखंभग्गगिहरूवं ॥ ३६४३ ॥
इय जुत्तिजुत्तमंतिप्पउत्तमायन्निरं महीनाहो । किच्छेण धरइ पाणे तम्मिलणासाए जेणुत्तं ॥ ३६४४ ॥
Jain Education International
For Private & Personal Use Only
२८५
www.jainelibrary.org
