________________
रयणावलिका
निस्सेसपणइणीजणपहुत्तमुव्वहइ तस्स सियसीला । लीलायमाणदेहा मणिप्पहा नामिया देवी ॥ ३५८२ ॥ सव्वुत्तमकलकंठी वि सुहयसिहिणी वि रायहंसी वि । विलसंतदुपक्खा वि हु जं न विरूवा तमच्छरियं ।। ३५८३ ॥ तीए सह भूरिभोयउवभोयसत्तस्स तस्स भूवइणो । लोगंतियदेवस्स व सुहेण कालो वइक्कमइ ॥ ३५८४ ॥ समयंतरम्मि कम्मि वि निसावसाणम्मि नरवई नियs । अवसोउं अस्संतो सिविणयमयं समप्पयई । ३५८५ ॥ तहाहि
जत्थ रएण वि संता तिरियनरामेच्छफलिहसालम्मि | अभिडिय झड त्ति पडंति तं पुरं पेच्छए परमं
तप्परिसरगहिमहिलाचंदणरसरईयतिलयसंकासं ।
अवलोयइ चित्तसरं सियायवत्तं व सेसस्स ।। ३५८७ ।। पायालभवणजद्दरसुंदरचंदोदयउ व्व जं सहइ । पणवन्नपउमभमरउलसउणमंडणविहियसोहं ॥ ३५८८ ॥ जं निसिससिकंतिसियं पडिबिंबियचंदमंडलं सहइ । खीरोयहि व्व सुरमहणमच्छरारईय अवरससी ॥ ३५८९ ॥ तम्मझे अइदीहं थूलं पाहाणखंभमिक्खेइ । घग्घेउमगाहजलं विहिणा दंडं व निक्खित्तं ।। ३५९० ॥ तस्सग्गे रविमणिगणकिरणावलिकलियसयलगयणयलं । आहारदिन्नथंभं रविरहमिव नियइ मणिभवणं ।। ३५९१ ।।
३५८६ ॥
कुसुमोवहारपरिभमिरभमरभरभूरिरोलमुहलदिसं । अनिलुल्लसिरद्धयरणज्झणंतमणिकिंकिणीजालं ॥ ३५९२ ॥ कणयकलसोहसोहं वज्जावलिपुरियकिरणदुनिरिक्खं । माणिक्कमत्तवारणयसेणिरमणीयचउपासं ॥ ३५९३ ॥
Jain Education International
For Private & Personal Use Only
२८१
www.jainelibrary.org
