________________
२७६
सूरपहेणुक्खित्तो बीयकरेणक्कमोऽरिनरवइणो ।
तेण वि तस्स वि सो तो करिणो ते जाव निवडंति ।। ३५१७ ।।
सिरिअणंतजिणचरियं
तो दुन्नि वि संगहिया खिविऊण करं करेणुराएण । एत्थंतरम्मि खयरामरेहिं हाहारवो विहिओ ।। ३५९८ ॥ तो सदएण व खित्ता उल्लालिय तेण ते गयणगब्भे । विच्छुट्टेउं दुन्नि वि दडत्ति पडिया महीवट्ठे ॥ ३५९९ ॥ तो सूरप्पहराया जा छुरियं गहिय हणइ तं झति । तो सेयपहुप्पंतो नासेउं सो गओ खयसे ॥ ३५२० ।। तं नट्ठे दट्ठूणं तुट्ठेहिं नहट्ठिएहिं सहस त्ति । सूरप्पहस्स उ सिरे सुरेहिं मुक्का कुसुमवुट्ठी ॥ ३५२१ ॥ नट्ठस्स न पट्ठीए लग्गो विज्जुप्पहस्स सूरपहो । पुरिसुत्तमा वि न अनयं कुणंति सव्वस्सला वि ॥ ३५२२ ॥ जयलच्छि समुवगूढो चलिओ मणिमयविमाणमारूढो । विहिऊसवे पविट्ठो नियनयरे गरुयरिद्धीए ॥ ३५२३ ॥ निरवज्जं नियरज्जं परिपालंतस्स नहयरनिवस्स । वच्चइ कालो न वरं न वरं पावइ नियसुयाए || ३५२४ ।। निद्दनिसाए न लहइ न भोयणं काउमिच्छइ छुहाए । नियकन्नयावराभवणभावणानलपलित्ततणू ।। ३५२५ ।। जह जह वरं न पावइ तह तह तहलायदुसहदुक्खेण । गुरुरोएण व राया दूरयरं दुब्बलो जाओ ।। ३५२६ ।। मंसलसरला विरला उसिणालयाऽनिल व्व से सासो । दूरं दहंति देहे दूरठियाण विसह जगणं ॥ ३५२७ ।। इय वरचिंताभरपरवसस्स अहियाहिपुव्वहंतस्स । नहयरनिवस्स कालो केत्तियमेत्तो वइक्कंतो ॥ ३५२८ ॥ अज्जं तु गोससमए वि जाव केवलिसयासमुच्चलिओ । एय पुरपरिसरोवर सगयणगब्भंमि संपत्तो ।। ३५२९ ॥
Jain Education International
For Private & Personal Use Only
www.jainelibrary.org
