________________
२७४
सिरिअणंतजिणचरियं पढमा तो संजणयंति तदियरा मम्मवेहिणो दूरं । पढमा गुणेहिं सहिया बीया पुण उज्झिया तेहिं ॥ ३४९१ ॥ (जुयलं) सत्थेहिं वियारिता परलोयं साहयंति जे धीरा ।। उज्जमपरा पसंता मुणिणो व्व रणंगणे सुहडा ॥ ३४९२ ॥ जुझंतसुहडउडाण कंडभरमंडवेण अंतरिया । कोऊहलमिलिया वि हु अमरा न नियंति समरभरं ॥ ३४९३ ॥ असिघायुच्छलियपडंतसुहडसीसेण वेरिणो तासा ।। दंतेहिं तोडिया किं मरणे वि रिऊमुयइ रोसा ॥ ३४९४ ॥ रिउभग्गधवलछत्तं विसमट्ठियं उवरिसामछत्तस्स । राहुग्गसिज्जमाणं पिच्छंति ससिं व भूमि ठिया ॥ ३४९५ ॥ नहसंठियसरनिन्भिन्नगयघडा मुयइ रुहिरधाराओ । जयपलयसंगिणी असिवसंभवा मेहमाल व्व ॥ ३४९६ ॥ अन्नोन्नलुयसिराई समरंमि भिडंति भडकबंधाई । कलहंति य कोवेणं परोप्परं ताण सीसाइं ॥ ३४९७ ॥ खग्गाहयगयकुंभुच्छलंतमुत्ताहलाई गयणयला । असिधारछिन्ननक्खत्तमालमणिणो व्व निवडंति ॥ ३४९८ ॥ निवडंतरायहंसं दीसइ वित्थरियभूरिकीलालं । समरंगणं सरं पिव सिलीमुहप्पत्तसिरकमलं ॥ ३४९९ ॥ एवंविहवइयरसंकुलम्मि समरम्मि गुरुगयारूढा । मुत्तावचूलविलसंतछत्तअंतरियरवितावा ॥ ३५०० ॥ सव्वुत्तमरयणाभरकिरणपब्भारपूरियदियंता । तरुणरमणीकरुल्लसिरचारुचमरोहसोहधरा ॥ ३५०१ ॥ बहुबंदिविंदवज्जरियचरियपसरंतभूरिपरिओसा । उत्तमनिययाबद्धं भवणतुलातुलियभुवणभडा ॥ ३५०२ ॥ अवरावरतिव्वभरप्पहरणगणग्गहेण वग्गकरकमला । वज्जंतसमरभेरीभेरवभकारभरियनहा ॥ ३५०३ ॥
Jain Education International
For Private & Personal Use Only
www.jainelibrary.org
