________________
२७३
रयणावलिकहा नहपत्तकुंभकूडा कंचणवित्थरिय गुरुगुडागुडिया । करिणो कंचणगिरिणो व्व जंगमा जंति सह रन्ना ॥ ३४७८ ॥ कलहोयपक्खराओ तुरंगराईओ जंति बहुयाओ ।। खीरोयसंभवाओ कल्लोलपरंपराउ व्व ॥ ३४७९ ॥ रणझणिरकणयकिंकिणिमुहलियदिसिमंडलाओ पसरति । सेणीओ संदणाणं रयणविमाणावलीउ व्व ॥ ३४८० ॥ मणिकणयजडियसन्नाहदित्तिसंताणदुरवलोयंगा । हरिवरतेयभरा सूरा सूर व्व संचलिया ॥ ३४८१ ॥ दिसि दिसि मिलंतनियनियसेणासंभारभरियभूवीढा । नरनाहवाहिणीए नरिंदसामंत-मंडलिया ॥ ३४८२ ॥ धवलायवत्तसिक्किरिअलंबधयचुंबियंबरविभागा । घलिया नरेसरसेणा नहेण घणमंडलालि व्व ॥ ३४८३ ॥ विज्जाहरचारणगणउच्चारियजयजयारवसमूहा । वज्जंतविजयढक्कानीसाणनिनायरुद्धनहा ॥ ३४८४ ॥ नाउं विज्जप्पहखेयरेसरं समरकरणनिक्खंतं । नीहरिओ सूरप्पहराया वि हु सम्मुहो तस्स ॥ ३४८५ ॥ मत्ता करिणो तुंगा तुरंगमा साऊहा रहब्बूहा । तेण समं संचलिया सुहडा वि हु समरपत्तजया ॥ ३४८६ ॥ नियनियसेणीसीमासु तेहिं दोहिं वि निवेसिया सेणा । पत्ता य दो वि सबला रणंगणे रइयसन्नाहा ॥ ३४८७ ।। करि-हरि-रहट्ठिएहिं करि-हरि-रहरयणसंठिया रुद्धा । रणनिव्वडियभडेहिं सत्थकरेहिं तु समसत्था ॥ ३४८८ ॥ पावंतिज्जति लक्खं सुमहत्थगुणुल्लसंतसारसरा । वगुणा पावंति वराडियं पि नो कयपइन्ना वि ॥ ३४८९ ॥ सेणा दुगे वि पसरंति मग्गणा सुमुह दुम्मुहा दो वि । रगे पत्तमहत्था अवरं अत्थेहिं पमक्का ॥ ३४९० ॥
Jain Education International
For Private & Personal Use Only
www.jainelibrary.org
