________________
रयणावलिकहा
२७१ उत्तमकुलो सरूवो खयरिंदो नयपरो विणीओ य । एक्कगुणो वि हु दुलहो ता सव्वगुणं इमं वरसु ॥ ३४५२ ॥ पाएसु वि लग्गेउं उवरोहेडं च दव्वमवि दाउं । दिज्जइ जेसिं सुआ तं ते वि हु पत्थिति अच्छरियं ॥ ३४५३ ॥ कन्नाए विइन्नाए तुह पहु ! मह सामि सह सिणहे । नेगा दाहिणसेणी उत्तरसेणी वि सायत्ता ॥ ३४५४ ॥ ता रयणविमाणकरेणुतुरयरहकोसभूसणाईसु । जत्थेच्छा तं पहु ! तुह देवो दासी न संदेहो || ३४५५ ॥ ता कुणसु तस्स करगोयरे सुयं मुद्दियं व ससुवन् । तुम्हाण वि आजम्मं होउ नरिंदाण पीइभरो ॥ ३४५६ ॥ एयं चिय कीरंतं सुसंगयं सामि ! आयइ हियं च । जं सो अम्हाण पहू अहिमाणी अइबलिट्ठो य ॥ ३४५७ ॥ तिव्वतरवारिहत्थो जममवि निज्जिणइ समरसंरंभे । का गणणा तस्सावरनरेसु वीराय रायस्स ॥ ३४५८ ॥ रणरंगुच्छंगगओ जोहणिचेव दीसए विरलं । खयवरिसे मीणगओ न विणासइ किंसणीसन्ने ॥ ३४५९ ॥ जो पोढिगाए चमढियहढेण सुदिढे वि गिण्हएऽभिमयं । सो विणएण पत्थइ नरिंद ! तं ता कयत्थो सि ॥ ३४६० ॥ इय दूय भणियसवणा कोवो उम्मूलिओ निवमणम्मि । अग्गी विव निम्महियम्मि अरिणकट्ठम्मि सहस त्ति ॥ ३४६१ ॥ गोरं पि रायभालं भिउडीभंगेण सामलं जायं । वालुयमयपुलिणं पिव जउणा-नइजलपवाहेण ॥ ३४६२ ॥ अरुणत्तं संपत्तं तत्तजुयं धवलमवि महीवइणो । दुद्धोदहिसलिलं पिव नवरविकरजालसंवलियं ॥ ३४६३ ॥ जंपइ रे दूय ! तुम मुहुरं भणिऊण तिव्वमवि भणसि रे ! । गुडमिस्सियनायरओसहस्स आसायमणुहरसि ॥ ३४६४ ॥
Jain Education International
For Private & Personal Use Only
www.jainelibrary.org
