________________
रयणावलिकहा
सप्पुरिस ! को तुमं कोवएसहेऊ व तुम्ह को वेरे ? | जइ कहणिज्जं कहसु अह न ता कुणसु जमभिमयं । ३३५० ॥ सो जंपइ साहिज्जइ अन्नस्स वि नेहयं पुच्छणपरस्स । किन्नो कये वेराण तुम्ह ता निसुणह नरिंद वर ! ।। ३३५१ ॥ रायाह तुमं समिओ ता आरुहिउं सुहासणं एयं । चलसु जहा निसुणेमो तुह कयमुंचविसियउज्जाणे ॥ ३३५२ ॥ तो तम्मि निवसुहासणमासीणे बलजुओ महीनाहो । अलिउलविलासनामं उज्जाणं झत्ति संपत्तो ॥ ३३५३ ॥ विलसंतघणच्छायं गुरुवणमालं व पत्तरहभवणं । लच्छीहरं व सिरिवच्छसंगमागयपकामसुहं ॥ ३३५४ ॥ कयलीलवलीवद्दलब्भमंत अरहट्ठसजलकणपवणं । कयली - लवली - कुवली - ताली - एलावलीकलियं । ३३५५ ॥ विसितुं तम्मि अंबयवणमज्झे त्ति लवले कयलिखंडे । दक्खामंडवसिसिरे निविसइ सीहासणे राया ।। ३३५६ ।। निवदावियम्मि भद्दासम्म विज्जाहरो वि उवविट्ठो । अवरो वि हु जहजोग्गं निवपरिवारो समुवविट्ठो ॥। ३३५७ ॥ कहसु नियवेरकारणमियनिववृत्तो सो आह निसुणेह । इह भरहमज्झभाए वेयड्ढो नाम अत्थि गिरी ॥। ३३५८ ॥ तारमउहं रयणाउरो इमो हमवि होमि रयणमओ । इय भाविउं व जो सहइ सव्वया सिंधुपयलग्गो ।। ३३५९ ॥ अइनिम्मलम्मि जम्मिं विहाइ पडिबिंबियं तमालवणं । सूरकयत्थणभीयं सरणगयं रयणितिमिरं व ॥ ३३६० ॥ उत्तरदाहिणनामाओ तम्मि सेणीओ दुन्नि निवसंति । गंगासिंधुउवगमु पयासियरायहंसाओ ।। ३३६१ ॥
दाहिणसेढीसारं रहनेउरचक्कवालपुरमत्थि । देवकुरुखेत्तं पिव जंबूणयभद्दसालसियं ॥ ३३६२ ||
Jain Education International
For Private & Personal Use Only
२६३
www.jainelibrary.org
