________________
२६१
रयणावलिकहा वज्जंतभूरिभेरीढक्कानीसाणमणुसरियभुवणो । सिरिरयणसेहरनिवो नीहरिओ रायवाडीए ॥ ३३२४ ॥ तालाणुसारिवज्जंतपडहगुंजंतमद्दलुद्दामं । पेच्छंतो वीणावेणुरणझणं रमणिपेच्छणयं ॥ ३३२५ ॥ अवलोयंतो उल्लसियभुयलयुत्तंभियघणघणाभोगं । सिंगारियपणरमणीमणहरनमु पयट्टतं ॥ ३३२६ ॥ जय जीव, चिरं इच्चाइ चारुचारणथुईहिं थुव्वंतो । मंथरतरसंचरणो पुरपरिसरधरणिमणुपत्तो ॥ ३३२७ ॥ मग्गडुपासट्ठियरायमंतिसामंतमंडलीएसु । कोलावइ लीलाए जा तत्थ करेणुमवणिवई ॥ ३३२८ ।। ता हक्काहुंकारे आयन्निय नहयले खिवइ दिठिं । सरलियगलमुत्ताणियनयणं वलिकलियभालयलं ॥ ३३२९ ॥ आयड्ढियासिपडिप्फलियरविकरप्फुरियतेयदुनिरिक्खो । चित्तब्मंतरनिग्गयकोवानलजालकलिओ व्व ॥ ३३३० ॥ वग्गणविछुट्टधम्मेल्लअनिलउल्लसियकेससामलिए । पज्जलिरकोवदवहव्ववाहभवधूमकलुसे व्व ॥ ३३३१ ॥ रयउन्भामियअसिजायमंडलायारतेयसंजुत्ते । चक्काहिवे व्व रणकरणकज्जकरधरियगुरुचक्के ॥ ३३३२ ॥ मणिभूसणकरसुरचाववित्तिए गलिरसेयसलिलक्खणे । नीलंबरपरिहाणे मेहे सतुसारचरिमे व्व ॥ ३३३३ ॥ नवजुव्वणदढदेहे कयपरिगरबंधबंधुरे धणियं । पेच्छइ खेयरपुरिसे जुज्झा रयणाए दुद्धरिसे ॥ ३३३४ ॥ थिरधरियनियकरिंदो समग्गपरिवारपरिगओ राया । ते जुझंते दठूण सायरं वारए खयरे ॥ ३३३५ ॥ नवरं रणकरणासत्तमाणसा निवसरं सुगंति न ते । . नट्ठमणो नासन्नो वि सुणइ दूरम्मि दूरठिओ ॥ ३३३६ ॥
Jain Education International
For Private & Personal Use Only
www.jainelibrary.org
