________________
२६०
तहाहि
कइया वि महच्छुल्लसियरायसरगाममुच्छणाणुगयं । समरंगणमत्तं पिव आयन्नइ सुस्सरं गीयं ॥ ३३११ ॥
उल्लसियतरणकरणप्पभावसंपत्तकेवलपसिद्धिं ।
पणरमणीनट्टविहिं कइयाइ अवलोयइ जिणं व ।। ३३१२ ।। रहगयहयराओ विहररहगयहयरायकयदढावेढो ।
आरुहिय गुरुगयं रायवाडियं कुणइ कइया वि ॥ ३३१३ कइया वि हु चित्तसहा कइरायविराईए नहयले व्व । अत्थाणे कुणइ रई महत्थसत्थेहिं सुहडो व्व ॥ ३३१४ ॥ इय विविहविणोयवूहवग्गया संगए महीनाहो । परिपालंते सो रज्जरंजियं भूरिभूवीढं ॥ ३३१५ ॥ कंचणदंडो पडिहारकरयले वल्लहाण संबधो । पक्खिसु चेव विओगो हउ त्ति उत्ती तुरंगेसु ।। ३३१६ || करपीडणं कुमारीसु चेव गीएसु रायदीहत्तं ।
1
सुव्वंति अव्वसुं दोन्नि वि उवसग्गअवसद्दा ।। ३३१८ || करिणो चेव पमत्ता संतावकरा सहस्सकरजलणा । माइत्तं जणइत्तसु न संति लोए पुण इमाई ॥ ३३१८ ॥ समयंतरम्मि कम्मि वि मणिभूसणपहपिसंगियदियंतो । आरूढो करिए घणविंदे विज्जुपुंजो व्व ॥ ३३१९ ॥ उत्तंगगयघडारूढपोढमंडलियकलियचउपासो ।
खणहणिरकवियहयनिवहचडियसामंतसंजुत्तो ॥ ३३२० ॥
――
रणज्झणिरकिंकिणीगणरहरयणट्ठियनरिंदपरियरिओ । तिव्वतरप्पहरणकरपोढभडावेढदुद्धरिसो || ३३२१ ॥
सिरिअणंतजिणचरियं
विलसंतथूलमुत्तावचूलसियछत्तअंतरियतरणी ।
तरुणीकरचांलियचंदचारुचमरोहरमणीओ ॥ ३३२२ ॥
चिंधालंबद्धयछत्तसिक्किरीसयविराईयनहंतो ।
उज्जयंतो गयणं निवघणमणिमउडकिरणेहिं ।। ३३२३ ||
Jain Education International
For Private & Personal Use Only
www.jainelibrary.org
