________________
रयणावलिका
मंदरनंदीसररुयगपमुहदीवेसु गयणगमणेण । अभिवंदंतो सिद्धप्पडिमाओ विहरइ जयम्मि ।। ३२७५ ।। कइया वि महासुक्कज्झाणानलदद्धघाइकम्मवणो । उप्पाडए अणंतनाणमणंतत्थविसयं सो || ३२७६ ॥ तो लाड-चोड - वइराडयाइदेसेसु विरईयविहारो । पडिबोहियभव्वजणो पत्तो सिवं बहुविलासपयं ।। ३२७७ ।। केसि पि सीहविक्कमपमुहाणमणंतनाणमुप्पन्नं ।
तो ते पत्ता मोक्खे अवरे उ अणुत्तरेसु गया ।। ३२७८ ॥ पायाले असुराहिवत्तमसमं भुंजंति जं जंतुणो । जं वा चक्कवई वि भारहमहीसामित्तमुब्भास ॥
जं सक्को सुररज्जरिद्धिमणहरे सग्गे सया पालए । तं सव्वं पिसुपत्तदाणजणियं पुन्नं समुम्मीलए || ३२७९ ॥
रूवं वरं तुहिणसेलसिया य कित्ती । सोहग्गमुग्गमसमागुणसंपयाई ॥
पाणीण होइ पवरं अवरं पि नूणं ।
दाणेण पत्तनिहिएण सिवस्सिरी वि ॥ ३२८० ॥
जह जायं सिवफलयं दाणं बहुमाणदिन्नमेयस्स ।
अवरस्स वि तह जायइ ता तम्मि सया वि जइयव्वं ॥। ३२८१ ।।
( सीलविसए रयणावलीकहा )
दाणोदाहरणम्मि भणिओ रणविक्कमो इयाणि तु । रयणावलीकहाणयमायन्नह सीलविसयम्मि ॥ ३२८२ ॥
परिविप्फुरंतधणरयणकरनियररईयहरिधणुहं ।
कयमणितोरणमिव रयणतोरणं नाम पुरमत्थि || ३२८३ ॥ वियइल्लकलिय विय अलिवुलतारियतरुणिनयणनियरेण । जं सइ दंसइ कोइलकलरमणिरवेहि य वसंतं ।। ३२८४ ॥
Jain Education International
२५७
For Private & Personal Use Only
www.jainelibrary.org
