________________
२५४
सिरिअणंतजिणचरियं
लच्छीहरो पयंपइ सामिणि ! तं कहसु दविणमेयमहं । कह नेमि ? नियपुरीए पह च्चिय चरडाइभयभीओ ॥ ३२३६ ॥ तो सासणदेवीए रइऊणं रयणकंचणविमाणं । आरोविय तम्मि तयं सुहिकंता कणयमणिजुत्तं ॥ ३२३७ ॥ मणपवणनयणजइणा जवेण झणहणिरकिंकिणिकणंतं । नीयंकत्ति सुसीमानयरीमज्झट्ठियगिहे सो ॥ ३२३८ ॥ चलिया सासणदेवी तं मुत्तुं तम्मि धणसयणसहियं । तेण वि दविणेण कलत्तमित्तसयणा समुद्धरिया ॥ ३२३९ ॥ लच्छीहरभज्जाओ तिन्नि वि दळूण दाणमाहप्पं । दीणाईणं तं दिति अविरयं आयरपराओ || ३२४० ॥ लच्छीहराइयाणं तेसिं धम्मत्थकामनिरयाणं ।। समइक्कंतो बहूओ कालो कालुस्सरहियाण ॥ ३९४१ ॥ कइया विअड्ढयंते मेत्तलच्छीहराइणो मरिडं । दाणाणुमोयणेहिं पत्ता सग्गम्मि सुकरण ॥ ३२४२ ॥ तो चविउं लच्छीहरजीवो नयरीए विउलसालाए । . सिरिसीहविक्कमाभिहभडस्स पुत्तो तुम जाओ ॥ ३२४३ ॥ पुहईधरपत्ता वरविज्जाहरनामया चुया सग्गा । तुह लहु सहोयरत्तेण राय ! जाया इमे ते य ॥ ३२४४ ॥ नयरीए अवंतीए अवंतिवइणो निवस्स अंगरुहा । जाया जयलच्छीसयओ सुया मयणसिरि नामा ॥ ३२४५ ॥ तीए चेव पुरीए सिट्ठस्स धणाहिवस्स संजाया ।। सग्गाओ चविय लच्छी कणयसिरी नामिया कन्ना ॥ ३२४६ ॥ आणंदपुरे जाया नरिंदआणंदसुंदरस्स सुया । महलच्छीसग्गाओ चविडं आणंदसिरिनामा ॥ ३२४७ ॥ पुव्वभवुब्भवअसरिससिणेहसंताण जायरायाओ । तुह जायाओ जाया ताओ तिन्नि वि य जेणुत्तं ॥ ३२४८ ॥
Jain Education International
For Private & Personal Use Only
www.jainelibrary.org
