________________
२५०
सिरिअणंतजिणचरियं
३१८७ ॥
रोगद्दियं व निद्दाकुवियं व मइरइविउत्तं व । सालस्सं पिव विज्जा कित्ती अन्नायनिरयं व ॥ ३१८५ ॥ अनिवित्तमणं बंधेई सड्ढं च तईअहंजुमिव पीई । निद्धम्मं पिव विरई अनयपवित्ती कुलीणं व ॥ ३१८६ ॥ कायरमिव जयलच्छी तरुणी थेरं व परनरं वसई । अणुसरइ न एगं पि हु सिरी चउन्हं पि मज्झाओ ॥ ३१८७ ॥ गोट्ठिनिविट्ठा भणिया कइया लच्छीहरेण ते मित्ता । भो विहला णे जाया आरंभा पुत्तरहियाण ॥ ३१८८ ॥ ऊसरववियं व कलंतरम्मि जं दिज्जए तई जाइ । खज्जति निएहिं पिव संगहधन्नाई कीडेहिं ॥ ३१८९ ॥ चोर व्व वंतरा वि हु नियकरनिहियं व निति निहिदविणं । लब्भं वग्गे वि मग्गइ जाइज्जंतो स तासं पि ॥ ३१९० ॥ ता हं दव्वज्जणउज्जओ धुवं जत्थ तत्थ गमिस्सं । न तरामि एत्थ ठाउं तं सोउं ते वि जंपंति ॥ ३१९१ ॥ सामन्नधणा अम्हे वि ता कयाणाई गहिया मिलिया वि । दविणज्जणम्मि जामो लाहं विभईय गमिस्सामो || ३१९२ ।। एवं ति भणिय सव्वाण सम्मए गहिय बहुकयाणाई । चेडे विसयम्मि चलिया कस्सइ सत्थस्स मिलिऊण ॥ ३१९३ ॥ बहुभंडभारअक्कंतचिक्कारमुहुरसगडाई । बहिरत्तं पिव दिंताई जंति जणसवणविवराण ॥ ३९९४ ।। गुड्डरपडमंडव-चरुकडाहि पक्खरभराहरसरीरा । गच्छति गुरुगईए करहा कडुरावडुस्सच्छा ॥ ३१९५ ॥ अइगुरुतरगोणी-भाराक्कंतगच्छति-मंथरं वसहा । निल्लालियजीहा संचरंति महिसा य भरविहुरा ॥ ३१९६ ॥ भारासमत्थपुणरुत्तपडणसपहाररइयउट्ठवणा । अइविरसमारसंता पसरंति पहे खरा पवरा || ३९९७ ॥
Jain Education International
For Private & Personal Use Only
www.jainelibrary.org
