________________
२४६
वेश्य अकामनिज्जरकम्मा धम्माहिवासिया ईसि । पावंति देवभावं किब्बिसियाईसु देवेसु ॥ ३१३३ ॥ तम्मि वि परच्छराओ पररयणाइं च पेच्छिय अतुच्छं । असरिसविसायविवसा वहंति वेयल्लमणुवेलं ॥ ३१३४ ॥ एवं चउव्विहम्मि वि संसारे अविरयं भमंताणं । सत्ताण सुहलवो वि हु दुलहो सद्धम्मरहियाणं ॥ ३१३५ ॥ सो सद्धम्मो दुविहो जइ - गिहिभेएण हवइ विन्नेओ । पढमं दसप्पयारं सुणह दुइज्जं दुवालसहा ॥ ३१३६ ।। खंती य मद्दवज्जव - मुत्ती - तव संजमे य बोधव्वे । सच्चं सोयं आकिंचणं च बंभं च जइधम्मो || ३१३७ ॥ पाणिवहमुसावाए अदत्त- मेहुण- परिग्गहे चेव । दिसि - भोग- दंडसमईय - देसे तह पोसहविभागे || ३१३८ । दोन्नि वि सिवेक्कफलया पढमो तं देइ नवरमविलंबं । बीओ य पुण कमेणं जत्थेच्छा तं समायरह ।। ३१३९ ॥ सोउं सद्धम्मकहं सो वेयवियक्खणो सजणणीओ । पावइ सिवकप्पहुममूलं सुविसुद्धसम्मत्तं ॥ ३१४० ॥ जंपर गिहिस्समहं पढमं चिय किं विलंब विइएण । पक्कफले मूलम्मि वि तरुसिरमारुहइ न फलच्छी ।। ३१४१ ॥ तुह पयपउमा सद्धम्ममहुरसासाय लालसा दूरं । निग्गंतुं न समीहइ पहु ! मह मइमहुयरी नूणं ॥ ३१४२ ॥ सट्ठाण निओगेणं चालेमि वणं सहप्पणा सव्वं । अथिरम्मि वि वीसासो कीरइ मुक्केक्किमु चलम्मि ॥ ३१४३ ॥ गहिऊण जिणिंदवयं तुह चरणाराहओ भविस्सामि ।
पाविज्जइ निवसेवा जइ ता को सेवए अवरं ॥ ३१४४ ॥
सिरिअणंतजिणचरियं
तं सोउमाह सूरी मा पडिबंधं करेज्ज गिहवासे । उज्जमसु सकज्जे तुह पुव्व उ सवणवंछियं वच्छ ! ॥ ३१४५ ॥
Jain Education International
For Private & Personal Use Only
www.jainelibrary.org
