________________
रणविक्कमकहा
एत्थंतरम्मि उत्तमकुलपव्वयगुरुविदेहसियवासो । तत्थागओ गुणायरमुणीसरो जंबुदीवो व्व ॥ ३१२० ॥ कयबंभव्वयचाओ बंभव्वयधरपवित्तमुत्ती वि । संगहियसमयसत्थो दूरुज्झियसमयसत्थो वि ॥ ३१२९ ।। बहुरायहंसगुरुतारसत्तरिसिसंसिओ नहपहो व्व । अइपंडुकंबलाहियसोहो मंदरगिरिंदो व्व ॥ ३१२२ ।। ता फासुए पएसे उवविट्ठो सुरकए कणयकमले । सियउत्तरियपावरणधवलिओ रायहंसो व्व ॥ ३१२३ ।। जंप जणणीसमुहं भावे य वियक्खणो चलसु अंब ! । नमिउं मुणिंदपासे निसुणेमो धम्ममप्पहियं ॥ ३१२४ ॥ तव्वयणाणंतरमेव ताइं दोन्नि वि गयाइं गुरुपासे । तिपयाहिणापुरस्सरमभिवंदिय तम्मि चिट्ठेइ ॥ ३१२५ ॥ तयणु पणामपुरस्सरनिविट्ठसुर असुरनरवइसहाए । पारद्धा धम्मका तेण महामोहनिम्महणी ॥ ३१२६ ॥ तहाहि
भे I
भो ! भो ! भव्वा! दूरं भेरवभवभमणभीरुणो जइ ता आयन्नह सव्वे चउव्विहं पि हु भवं असुहं ।। ३१२७ ।।
-
मंसाहारा महुपायिणो महारंभिया य रोद्दमणा । पावभरक्कंता इव सत्ता निवडंति नरएसु || ३१२८ ॥ तम्मि परमाहम्मियनिम्मियदुक्खाइं भूरिभेयाइं । जंतनिवीडण - करवत्तदारणाईणि पावंति ॥ ३१२९ ॥ तिरियनरभवंतरियासु तम्मियसत्तसु वि नरयपुढवीसु । मायाइदोसपत्ते तिरियत्ते हुंति दुक्खत्ता ॥ ३१३० ॥ दवदाहछुहाभिहयातिसाभिभूया य वेरवहविहुरा । अवरुप्परभक्खणवाहदोहवियणाओ वि सहति ॥ ३१३१ ॥ समयाभावसमज्जिय नरत्तमासाइडं असुहवसया । दारिद्दरोयपरपेसजोयवेरेहिं जंति खयं ॥ ३१३२ ॥
Jain Education International
For Private & Personal Use Only
२४५
www.jainelibrary.org
