________________
२३८
मयणं व मुत्तिमंतं सा तं नवजोव्वणुव्वणं दद्धं । अब्भुव्वइय थूणपीवरपओहरा पाओससिरि व्व ॥ ३०३० ॥ कंचणहंसय सद्देणं मिस्सयंती चलंतहंससरं । लीलाए सा गंतूण देइ अब्भुक्खणं तस्स ॥ ३०३९ ॥
न्हाणविलेवणभोयणपडिवत्तिसेसयं समायरइ ।
अहव परदव्वलुद्धाण पाणिणं किं अकरणिज्जं ॥ ३०३२ ॥ आवज्जिओ तहा सो तीए विन्नाणगुणवियड्ढाए ।
जह न खणं पि हु मोत्तुं तरइ तयं रइधणनिहाणं || ३०३३ ॥ दुहि वि घणस्सिणेहो संजाओ ताण विसयसत्ताण । वूढा वि हु विसएसुं सज्जंति न किं पुणो तरुणा || ३०३४ ॥ नियनयरे गंतुमणो पयंपए कामलच्छिमेवं सो ।
सुयणु ! तए सह मह होहिही धुवं विरहविरतं ॥ ३०३५ ॥ जमहं गुरुकज्जेणं गच्छिस्सं नियपुरे कुरंगच्छि ! | देहेण मुंच मं महमणो पुणो तुह घरे ठाही ॥ ३०३६ ||
सिरिअणंतजिणचरियं
तं सोउं ससंकमुही सा जंपइ सामि ! झत्ति जइ चलिओ । ता किं एत्तियमित्तो पणओ आरोविओ मज्झ ॥ ३०३७ ॥ जइ गंतव्वमवस्सं विम्हरणीओ न ता जणो एसो । तह साहिय पुरगोत्ताइं अत्तणो कुणह तो विजयं ॥ ३०३८ ॥ सो आह सुणसु सुंदरि ! लच्छीतिलए पुरे समत्थि दिओ । नामेण वेयसारो अत्थि पिया कामलच्छी से ॥ ३०३९ ॥ वट्टतम्मि पढमे वि जोव्वणे ताण हं सुओ जाओ । विहियं मे वेयवियक्खणो त्ति नामं सुहे दियहे ॥ ३०४० ॥ वट्टंतम्मि सए बालयम्मि जाए पुरेऽरिपरिवेढो ।
तइया मया गया व मह माया न नज्जए एवं ।। ३०४१ ।। दुच्छत्तमत्तणोसहिय पालिउं वद्धिओ महं पिउणा । सोऊण कणयदाणं दोन्नि वि पत्ता महासाले || ३०४२ ॥
Jain Education International
For Private & Personal Use Only
www.jainelibrary.org
