________________
रणविक्कमकहा
२१९
ताहिं सह विसयसोक्खं उवभुजंता गर्मिति कालं ते । सेवंति य ति संज्झं सेवावसरे नरिंदपए || २७८४ ॥ अह अन्नया य राया मणिरयणाभरणभूसियसरीरो । मयपाणलुद्धसुद्धालिबंधुरे सिंधुरे व चडिओ ॥ २७८५ ॥ मुत्तावचूलविलसंतछत्तअंतरियतीव्वरवितावो । तरुणरमणीकरुल्लसिरचारुचमरोहससिरीओ ॥ २७८६ ॥ उम्मत्तगयघडावीढदिढयरावेढसमुदुद्धरिसो । वग्गंततुंगउत्तमतुरंगसंदोहकयसोहो ॥ २७८७ ॥ रयझणहणंतधयकणयकिंकिणीजालसंदणसणाहो । समरंगणमुग्गराणणघणव्वणालंकियभडोहो ॥ २७८८ ॥ मुहुरस्सरचारणगणउच्चारियचारुगुणगणत्थवणो । मंडलियमंतिसामंतचक्कअक्कंतचउपासो ॥ २७८९ ॥ चिंधद्धयछत्तअलंबसिक्करीनियरभरियनहरंधो । वज्जिरविविहाउज्जो नीहरिओ रायवाडीए ॥ २७९० ॥ गच्छंतो संपत्तो कलकोइलनामगम्मि आरामे । कीलवियमत्तकरिं समहरणत्थं विसइ तत्थ ॥ २७९१ ।। नीरयसुहयविसालं पाउसगयं व अमरनयरं व । मुणिमणमिव निवगिहमिव पुन्नायविरायमाणं जं । २७९२ ॥ पेच्छइ कंकेल्लिद्दुमतलसुरकयकणयपंकयासीणं । तं पुव्वदिट्ठा जोइयसूरिं नाणत्तयसणाहं ॥ २७९३ ॥ उप्पाइयकुसुयं पि हु अजडं निग्गंथमवि सुवन्नधरं । सोयासियं असोयं पि बंभचारिं पि सप्पमयं ॥ २७९४ ॥ दठूण तयं पाउब्भवंत गुरुभत्तिनिब्भरो राया । उत्तरिय कंधाओ वंदइ महिमिलियभालयलो || २७९५ ॥ गुरुणा वि गुरुभवन्नवसंतारणसारतरतरीतुल्ला । सद्धम्मलाहआसी रन्नो दिन्ना नयपयस्स ॥ २७९६ ॥
Jain Education International
For Private & Personal Use Only
www.jainelibrary.org
