________________
२१७
रणविक्कमकहा असमाणा तणुसत्ती चउरंगबलं रणंगणे विजओ । बुद्धी परोवयारो य पुन्नविप्फुरियमखिलं पि ॥ २७५८ ॥ ता मुत्तुमन्नकिरियापरं परं कुणह पुन्नप्पउत्तिं । सामन्नाण वि जीए प्पभावओ होइ इयरिद्धिं ॥ २७५९ ॥ तयणु रणविक्कमेणं नरेसरेणं समग्गखयरिंदा । सम्माणिऊण वत्थाभरणेहिं विसज्जिया झत्ति ॥ २७६० ॥ वेयड्ढपव्वयं पड़ गएसु विज्जाहरेसु सव्वेसु । राया वि नियपुरं पइ चलिओ पत्तो य तीए कमा ॥ २७६१ ॥ नाऊण निवागमणं, पउरेहिं पुरिसमज्जिङ सयलं ।। घुसिणरसेणासिंचिय, तीए कया कुसुमभरवुट्ठी ॥ २७६२ ॥ सिंघाडय-चच्चर-तिय-चउक्क-गोउर-दुवारदेसेसु । रइया सकणयकलसा, धयमालामालिया मंचा ॥ २७६३ ॥ अनिलुक्कलिया चंचलधयचिंधालंबरणिरकिंकिणिओ । अंबयदलतोरणरम्मगोउरो विरइओ सालो ॥ २७६४ ॥ सव्वुत्तमम्मि दिवसे सिंगारियगुरुगइंदमारूढो । मुत्तालंकियधवलायवत्तविरईयवररत्थाओ ॥ २७६५ ॥ रमणीयस्वरमणी,करचालियचारुचमरकयसोहो । गयचडियसहोयरमंडलीयमंडलकयावेढो ॥ २७६६ ॥ सामंतारोहसणाहतुंगतुरयोहरुद्धचउपासो ।। समरंगणरिउगणहणणपत्तजसपसरभडसहिओ || २७६७ ॥ रह-रयणसेज्ज-वालय-लंघिणिय-सुहासणाइजाणेसु । आरूढेहिं अमच्चाइएहिं सममणुसरिज्जते ॥ २७६८ ॥ पडिजद्दरंबरच्छाइयाहिं, कंचणसुहासणगयाहिं । अणुगम्मतो अंतेउरीहिं सजुत्तचमराहिं ॥ २७६९ ॥ पविसइ पडिजद्दरमेहडंबरारइयहट्टसोहाए । नयरीए निवो परिवज्जमाणअणवज्जआभज्जो ॥ २७७० ॥
Jain Education International
For Private & Personal Use Only
www.jainelibrary.org
