________________
२१३
रणविक्कमकहा तो रन्ना सम्माणिय विसज्जिङ तमहमेत्थपट्टविओ । ता कयगुरुप्पसाया पहुणो परिणह खयरतणयं ॥ २७०६ ॥ तम्हाणुत्तररूवाणुपणइणी होउ सा परमरूवा । लीलाए ललउ लच्छी हत्थं लच्छीहरुच्छंगे ॥ २७०७ ॥ होउ सया संबंधो तीए समं गुरुगुणस्स तुह देव ! । अणुसरउ तिहुयणसिरी देहं देवाहिदेवस्स ॥ २७०८ ॥ तं सोऊण नरिंदो जंपइ किमसंगयं इहत्थम्मि । परिणिस्सामि निवसुयं कल्लाणे को विरोहो त्ति ॥ २७०९ ॥ नयरे रक्खं काउं, चलइ निवो खेयरी विवाहत्थं ।। पुव्वसिरिं रक्खेडं, अवरसिरी अज्जणं कज्जं ॥ २७१० ॥ वेयड्ढपुरे गंतुं चउरंगचमुं निवो कुणइ पउणं । सामन्नो वि न गच्छइ एगागी किं पुण नरिंदो ? ॥ २७११ ॥ ते विज्जाहरविज्जाणुभावओवाहिणी गया गयणे । महिवइ किं वा देवाणुभावओ सुकयकम्माण ॥ २७१२ ॥ नज्जति समुहमिंता, गिरिसरियदुमाइणो रयगईए । ठाणट्ठिया वि अहवा भंतित्ताणे न सव्वत्तं ॥ २७१३ ॥ संपत्तो वेयड्ढे, जंतो मण-पवण-नयणवेगेण । रोवइ चलिरो ठाणं, पंगू वि हु किं न गुरुवेगो ॥ २७१४ ॥ रिद्धिए पुरपवेसो, रइओ रायस्स पउमरहरन्ना । अच्चायरआहूए किं चोज्जं गोरविज्जते ॥ २७१५ ॥ पडिवत्तिकरणपुव्वं दिन्ना कन्ना विवाहिया तेण ।। परिहरिओ पारद्धं, न कुणइ कज्जंतरं कोइ ॥ २७१६ ॥ भूरिसिरी दिन्ना से कन्नाकरमोयणे खयरवइणा । जे दिति अवच्चं पि हु का वन्ना ताण धणदाणे ॥ २७१७ ॥ . ठाऊण दिवसदसगं, चलिओ वीवाहियं पियं घेत्तुं । देसंतरो तरिज्जइ, जीए कए मुयइ तं को वा ॥ २७१८ ॥
HHHHHI
Jain Education International
For Private & Personal Use Only
www.jainelibrary.org
