________________
रणविक्कमकहा
जेणमिमो कोइ सुरो, साहइ दट्ठूण नाणनयण | इंदियअगोयरं पि हु, करगयमिव नियइ जं नाणी || २५५४ | अवरेहि वि लोएहिं चरणेसु विलग्गिऊण मरणाओ । विणिवत्तिओ निव - पिया सामि-हियासेवया अहवा || २६५५ ॥ जणवयणाओ सो वि हु वि विलंबिडं दिणदुगं अकामो वि । पारद्धं पि हु गरुया जणोवरोहा विलंबंति ॥ २६५६ ||
तईया सव्वो वि जणो अइवाहइ दिणदुगं विणाहारं । इयरजणस्स वि सोए न भुज्जए किं पुण निवस्स ? || २६५७ ॥ दुइयदिवसावराण्हजणयाईया कणंतकिंकिणियं ।
२०९
अनिलुल्लासियवयखलहलंतघग्घरारवरम्मं ॥। २६५८ ॥ पुप्फोवयारपरिमलमिलंतभमरजलरोलमुहल - दिसं ।
1
फुरियमणिकिरणमितं नियंति गयणे विमाणगणं || २६५९ ।। पेच्छंताणं सिरिसीहविक्कमाईणि झत्ति सो पत्तो । अवइन्नो य नहाओ नियगुड्डरदारदेसम्मि || २६६० ॥ तं मज्जाओ अवयरिय, मोत्तियाऊलछत्तलंकरिओ । वीइज्जतो विज्जाहरीहिं करुल्लसिरचमरेहिं ॥। २६६१ || उववूहिज्जतो खयरचारणुच्चरियजयजयत्थुईहिं । अणुगम्मतो सिंगारसारनयणहरनरिंदेहिं | २६६२ ॥ रणविक्कमनरनाहो, वाहोहा उत्तलोयणो पिउणो । पणमइ सिंचंतो थूलअंसुविसरेण कमकमलं ॥ २६६३ ॥ सव्वंगं पि समालिंगिऊण जणएण जंपिओ राया । जाय ! महावसणमिणं जायं तुह दारुणं किमिह || २६६४ ॥ सो भणइ ताय ! भववासमहिवसंताण वसणविंदाई । हुति सया विहु जं पुण न हुंति ताइं तमच्छरियं ।। २६६५ ॥ जणएणुत्तं ता कहसु, जत्थ गंतूणमिहसमणुफ्तो ।
सो आह कहिस्सं ताय ! पणमिऊण जणणिपयपउमं ॥ २६६६ ॥
Jain Education International
For Private & Personal Use Only
www.jainelibrary.org
