________________
रणविक्कमकहा
२०७ उत्तासंतो वेगेण जलयरे गुरुजवेण धावेइ । तं दुटुं दह्णं नटं तं जुवइ जुवविंदं ॥ २६२८ ॥ हक्कंतो तं पइ धाविओ निवो जाव गुरुतरजवेण । ता तं चित्तुं वेगा गओ गओ सरजलस्संतो || २६२९ ॥ तो सव्वेण वि लोएण तत्थ हाहारवो कओ घोरो । तिणगणियजीवियव्वा भडा पविट्ठा सलिलमज्झे ।। २६३० ॥ अवगाहंति समंता सरोवरं जा तलं अगाहं पि ।। नवरं निसनिवइंते न नियंति कत्थ वि य जलहत्थि ॥ २६३१ ॥ अनिरिक्खियं न मुक्कं तेहिं सरं ससयपयपमाणं पि । तो ते निवमनियंता अकंदंता समुत्तिन्ना ॥ २६३२ ॥ आयन्निऊण नियसुयनिमज्जणं मुक्कपोक्क बहुधाहो । रुयइ सकरुणं जणओ भज्जासुयबहूयजणजुत्तो ॥ २६३३ ।। हा पुत्त पुत्त हा कंतिजुत्त ! हा कमलनालमिउमत्त ! । हा निययसत्तनिज्जियअमित्त ! हा पसइ पिहुनेत्त ! ॥ २६३४ ॥ हा हा नरिंद ! हा सुगुणविंद ! हा नियपहुत्तजियइंद ! । हा हा गंभीरिमगुणसमुद्द ! हा चरियगुरुमुद्द ! || २६३५ ॥ इह तुमए जलकेली कुटुंबसंहारकारणम्मि कया । जं तुमह विरहे नूणं चियानलो सरणमम्हाणं ॥ २६३६ ॥ आजम्मदरिदत्तं तयणु चउण्ह वि सुयाण विच्छोहो । तुह पुण एवमवत्था ईय जाओ हं सया वि दुहं ॥ २६३७ ॥ बहुदुहदूसियहियया, जणणी अक्कंदए गुरुसरेण ।। हा पुत्त ! पउत्थो वि हु तमागओ एय दुहं दाउं ॥ २६३८ ॥ हा जाय ! जाम तुह विरहविहुरया वज्जपहरजज्जरियं । फुडइ न सयहा होउं हिययं ता दंसणं देसु ॥ २६३९ ॥ रोयंति गुरुदुहत्ता सहोयरा मुक्कपोक्कपुक्करवा । हा बंधव ! कत्थ गओ तं दीणेसु तुमिह अम्हो ॥ २६४० ॥
Jain Education International
For Private & Personal Use Only
www.jainelibrary.org
