________________
२०४
खज्जूरी - सज्जऽज्जुण - करंज- वंजूल - अरंजकुज्जवरा । उंबर - जंबीर- कयंब-निबंब - दाडिम - जंबुधरा ।। २५९१ ।। पसरिय गोरहर - वराह - सरह-संबर- करेणु - सारंगा | रत्तच्छतरच्छ-मयच्छभल्ल - भल्लुंकदुल्लंघा ॥ २५९२ ॥ ( कुलयं )
सिरिअणंतजिणचरियं
(गिम्हवण्णणं)
तम्मज्झे गच्छंतस्स राइणो आगओ रिऊ गिम्हो । हरियावयोदयो वि हु दूरं संतावकारी जो ॥। २५९३ ॥
हेट्ठा नरयावासज्जलंतवज्जग्गिजालतविय व्व । दहइ परिब्भमिराणं, चरणे धरणी दिणंते वि || २५९४ ॥
मंद मंद मंदो व्व तावजोएण जम्मि जाइ रवी । तेणेव कारणेणं, दियहा दीहत्तणमुविंति ॥ २५९५ ।।
नियवेरिसूरगुरुतरपयाववुड्ढिविभाविडं जम्मि । नूणं मच्छरिणीओ व्व झत्ति गच्छंति रयणीओ ॥ २५९६ ॥ वंसीघंसुब्भवदवजालाओ सिहरिसिहरकुहरेसु नवघणपडलंमि जम्मि उल्लसंति व्व विज्जुओ ।। २५९७ ॥ दिसि दिसि दवदव्ववहप्पयावतत्त व्व दुस्सहा दूरं । जत्थानिला निसाए वि दहंति देहीण देहाई ।। २५९८ ॥ खरतरणिताव-परितत्तमुत्तिणो पंथिया पहे जम्मि । लंघंता जरिणो विव, पियंति कढियं व तत्तजलं ॥ २५९९ ॥ चोरीचयचिक्कारा दिति दुहं पविसिरा वि सवणेसु । जयजणमुव्वेयंता दुज्जणदुव्वयणविसर व्व ॥ २६०० ॥ नवरं हरंति हिययं तम्मिं नीहारहारहरिणका । सिसिरे विद्देसकरा वि दुहयरं सव्वया किं वा ।। २६०१ ॥ एवंविहम्मि गिम्हे गच्छंतो पेच्छए निवो तीए । अडवी मज्झभाए कमलसरं सिसिरजलकलियं ॥ २६०२ ॥
Jain Education International
For Private & Personal Use Only
www.jainelibrary.org
