________________
२०२
सिरिअणंतजिणचरियं तो रयणमए भद्दासणम्मि जणओ निवेसिओ रन्ना । सम्माणिओ य रयणाभरणुत्तमवत्थदाणेण ॥ २५६५ ॥ पट्ठविउं रयणरहं ति, जणणी आणाविया महीवइणा । पणया य पणयपुव्वं अंसुजलुल्लियकवोलेण ॥ २५६६ ॥ एत्थंतरम्मि नियचारुचरणसंचाररमणिमंजीरं । नवरंगयनीरंगीपच्छाइयवयणरयणियरं ॥ २५६७ ॥ सोणमणिभूसणफुरुयकिरणभरइयपिंगपरिवेसं । उल्लसियरायसायरपसरभरावेढजुत्तं च ॥ २५६८ ॥ थूलामलमुत्ताहलहारपहाजालकलियचउपासं । निम्मलगुणसमुवज्जियजसभरपरिपूरियदिसं व ॥ २५६९ ॥ सिंगारगारनववयदासीविसरेण अणुसरिज्जंतं ।
अंतेउरं निवइणा ससुरयपयसयदलं नमइ ॥ २५७० ॥ (कुलयं) ससुरो वि भणइ वच्छाउ ! भवह जय वित्त-पुत्त-जणणीओ । तो से आसीवाएण ताण तोसो समुल्लसिओ || २५७१ ॥ गंतूण सासुयाए पाए पणमिय समीवदेसे सा ।। उवविट्ठा उवरिट्ठमि विट्ठरे रयणरमणीए ॥ २५७२ ॥ रणविक्कमावणिवई विणएण नमिय भणइ ताय ! तुमं । रज्जमलंकरसु इमं अहं तु पत्ती तुह भविस्सं ॥ २५७३ ॥ एसो च्चिय सिंगारो सुयाण जं देवगुरुपयाण पुरो । अणुसरिय पत्तिवित्तिं कुव्वंति पवित्तमत्ताणं ॥ २५७४ ॥ जे पुण साहंकारा होउ सवनं कुणंति तेसिं ते । नूणं निवडंति च्चिय, पहु पडणीया न तं देति ॥ २५७५ ॥ जे पुण गुरुआणाए कुणंति कज्जाई होइ ताण सिरी । अहव नियं हयं व राया किन्न फलइ देव-गुरुभत्ती ? ॥ २५७६ ॥ इय निसुय रायवयणो पिया पियालावमणहरं भणइ । जाय अहं राओ च्चिय रायगुरू जं जए पुज्जो ॥ २५७७ ॥
Jain Education International
For Private & Personal Use Only
www.jainelibrary.org
