________________
रणविक्कमकहा
मन्नुभरगग्गयाए गिराए भणियं नरिंद ! चत्तारि । हुंता पत्ता हं तेहिं आसि निच्चितओ विहिओ ।। २५५२ ॥ नवरं कयाइ किं पि हु सिक्खविया तं मणम्मि अवमाणं । धरिडं तव्वेसं चिय कत्थ वि य गया न याणामि ॥ २५५३ ॥ सयणाईणं गामेसु, सोहिया सव्वओ सयं गंतुं ।
कत्थ वियस्समुवलद्धा न देव ! पुत्तप्पउत्ती वि ॥। २५५४ ॥ अह आह महीनाहो, परियाणेसि किं सुए न वा सोम ! । तेत्तं परियाणामि सामि ! नवरं न पेच्छामि ॥। २५५५ ॥ दाडं फलाई उद्दालियाई, कस्सइ भवंतरम्मि मए । दाऊण तेण मज्झ वि विहिणा उद्दालिया तणया ।। २५५६ ॥ पुत्तविउत्तस्स वि जं न फुट्टए मह हियं हयासस्स । तं नूणं वज्जसिलादलेण निम्मावियं मन्ने ॥ २५५७ ॥ अंधो व्व विगयजट्ठी पंगू विव वाहणेण परिहीणो । पुत्तपरिवज्जिओ हं, जाओ सज्जणदयाठाणं ॥ २५५८ ॥ तच्चिय पुन्नेक्कपयं नंदंतु चिरं नरुत्तमा इह जे । मूढत्ते पालिज्जंति भत्तिजुत्तेहिं पुत्तेहिं ॥ २५५९ ॥ राया कहस्स समरूवधारिणो किं वयाय ते हुंता । सो आह नाह ! तुह रूववयधरो आसि जेट्ठसुओ ॥ २५६० ॥ सेसा तिन्नि वि तुह वामपास-ठियमंडलीयरूवतया । हुंता ववसायज्जिय अत्थ-वय- कयसनित्थारा ॥ २५६१ ।। रायाह वयं ते च्चिय जे ताय ! तुहंगया गया हुंता । तुह पायपसाएणं, परिसररज्जं सिरिं पत्ता ॥ २५६२ ॥ इय जंपिरो नरिंदो, सभाइविंदो नओ पिउपयाणं । देवगुरुण प्पणई चयंति, न कयाइ वि हु कुलीणा ।। २५६३ ॥
नाऊण नियंगरुहे, नेहेणालिंगए पिया गाढं ।
नियदेहेण समाणं, तेउ विउत्ते कुणंतो व्व ॥ २५६४ ॥
Jain Education International
For Private & Personal Use Only
२०१
www.jainelibrary.org
