________________
२००
सिरिअणंतजिणचरियं पेच्छणए पेच्छंतो दितो दीणाईयाण दाणाइं । महईए विभूईए पासायसहाए संपत्तो ॥ २५३९ ॥ घणरायरयणकरभासुरम्मि सीहासणे समुवविठ्ठो । पणओ य समसमागय महायणीएहिं विणएण ॥ २५४० ॥ ते सम्माणिय नियए निउइए उचियसव्वठाणेसु । चलिओ जणणीजणयाण, दंसणुस्सुयमणो सपुरं ॥ २५४१ ॥ कयगुरुतरप्पयाणयलंघियमहिमंडलो सह बलेण । तन्नयरिपरिसरट्ठियखेत्तम्मि नियम्मि संपत्तो ॥ २५४२ ॥ पुव्वुत्तक्कममणुसरिय तम्मि खेत्तम्मि विरईओ रन्ना ।। आवासो गुरुगुडुरकंचणकलसालिकमणीओ ॥ २५४३ ॥ नाऊण नियं खित्तं, विणासियं सीहविक्कमो पत्तो । रायंतियम्मि दाऊणुवायणं तयणु विन्नवइ ॥ २५४४ ॥ नीईनय व्व नरवइ निग्गच्छइ गुरुमहीहराहिंतो । ता तप्पवत्तया जे ते हंति न तव्विणासाय || २५४५ ॥ . अन्नं पि य नयवंतं तं निग्गहिउं नयं पवत्तेसि । तुह पुण अन्नाय परस्स तरइ को कहसु किं काउं ॥ २५४६ ॥ नियमज्जायाए च्चिय धरिज्जए सायरो महीनाह ! । तं लंघतो पलयम्मि केण सो तीरए धरिउं ॥ २५४७ ॥ मह एस च्चिय नरनाह ! जीविया खेत्तधन्नउप्पत्ती । पुत्तेहिं परिचत्तस्स गुरुजराभरअसत्तस्स ॥ २५४८ ॥ तुह सेन्नावासविणासियम्मि खेत्तम्मि मम्मयं सुणसु । तरुणा वि छुहाए मरंति किं न भुक्खालुया वुड्ढा ॥ २५४९ ॥ तं सोऊण नरिंदो विणिवेसिय आसणम्मि तं भणइ । सप्पुरिस ! मज्झ साहसु कत्थ सुया जेहिं तं चत्तो ? || २५५० ॥ . राया तच्छणसंभरियसुयपवासस्स तस्स सहस ति । वाहप्पसरेणाऊरियाई सरलाइं नयणाइं ॥ २५५१ ॥
Jain Education International
For Private & Personal Use Only
www.jainelibrary.org
