________________
१९८
सो साह इमाणं निययपुन्नपरिरक्खियाण कन्नाणं । जाओ निमित्तमित्तं, अहं जओ एरिसं भणियं ।। २५१३ ।। सव्वो पुव्वकयाणं कम्माणं पावए फलविवागं । अवराहेसु गुणेसु य निमित्तमित्तं परो होइ ॥ २५१४ ॥
सिरिअणंतजिणचरियं
एत्थंतरम्मि से लहुसहोयरा रयणिपहरवुत्तंते ।
साहंति अहव गुरुणो किमत्थि किं पि हु अकहणिज्जं ॥ २५१५ ।। निवई वि तत्थ सोऊण नियसुया वइयरं दुयं पत्तो । वसणगयंमि परंमि वि पहुणो तुरियंति किं न निए || २५१६ || दट्ठूण नियं कन्नं तयवत्थं निवइणो दुहं जायं । जे परदुहेण दुहिया हुंति न ते किं नियदुहेण ।। २५१७ ॥ दठ्ठे जणयं पणया, रुइरी मयणस्सिरी वि तव्वेलं । वसणगया वि कुलीणा विणयप्पणयं किमुज्झति ? ।। २५९८ ॥ भणिया निवेण वच्छे ! सुहिया वि हु वसणमसरिसं पत्ता । अहवेक्कदसाए किं कस्सइ कालो वइक्कम ।। २५१९ ॥ कन्नाए आयरेणं कहिओ रायस्स रयणिवृत्तंतो । सव्वो वि जाव रणविक्कमेण पाणावइन्न त्ति ।। २५२० ॥ तयणु रणविक्कमो सह सहोयरेहिं तओ नरिंदस्स । तेवि सलाहिओ सो सुयणा न गुणीसु मच्छरिणो ।। २५२१ ॥ सम्माणिओ य ससहोयरो वि वरवत्थभूसणसएहिं ।
दिज्जंतं रज्जं पि हु कयोवयारेऽहवा थोवं ॥ २५२२ ॥ आरोविया य चउरो वि निवइणा गुरुकरेणुखंधेसु । उच्चट्ठाणम्मि ट्ठिई कीरइ अहवोवयारीण ॥ २५२३ ।। गुरुरिद्धिवित्थरेणं नीया नियमंदिरे नरिंदेण । को नाम नायरपरो परोवयारपसत्तम्मि ।। २५२४ ॥ भोयाविया य निद्धाहारेहिं सहप्पणा महीवइणा । इयरम्मि वि संविभइय भोत्तव्वं किमुवयारीसु ? ॥ २५२५ ॥
Jain Education International
For Private & Personal Use Only
www.jainelibrary.org
