________________
१९७
रणविक्कमकहा एत्थंतरंमि घडियाघरम्मि चउपहरिसूयया भेरी । पच्चुज्जीवियकन्ना वद्धावणयं व वज्जेइ ॥ २५०० ॥ कन्नाए विसावेगो व्व अवगओ झत्ति तिमिरपब्भारो । उम्मीलियाई तीए नयणाई पिव दिसिमुहाइं ॥ २५०१ ॥ अरुणोदयच्छलेणं पुव्वदिसा पयडए फुडंतस्स । जुवईजुयजीवावणभविस्सलोयाणुरायं व ॥ २५०२ ॥ हणिया न व त्ति जोइणिजणेण रचणाए गुरुमसाणंम्मि । आरूढो तं दटुं दिणयरो उदयगिरिसिहरे ॥ २५०३ ॥ तव्वेलं सेट्ठिसुया ससयणा जणयाइया गुरुसरेणं । अक्कंदंता पत्ता जाव मसाणम्मि मिलिऊण ॥ २५०४ ॥ ता ते नियंति तं भडसिरोमणिं जुवईजुयजुयं तत्थ । रइपीइपियापरिगयमणंगनिवई व विजयंतं ॥ २५०५ ॥ तं दटुं अन्नोन्नं बिंति समग्गा वि पेच्छहऽच्छरियं । जं जीवइ अम्ह सुया तह इह दीसइ निवसुया वि ॥ २५०६ ॥ तो ताहिं तेसिं सव्वो वि साहिओ जोइयस्स वुत्तो । तं सोऊणं रणविक्कम पसंसंति ते सव्वे ॥ २५०७ ॥ सप्पुरिस ! तमेवम्हाण नूणमुवयारकारओ जेण । पाणहराओ जमाउ व्व जोइणो रक्खिया इमा ॥ २५०८ ॥ भुवणं पि ताण भरियं जे नियकज्जे हरंति परपाणे । नियपाणेहिं वि रक्खंति जे परं सो तुमं चेव ॥ २५०९ ॥ एयाओ रक्खियाओ मरणा अप्पा वि पालिओ अणत्था । पडिबोहिओ य जोई, अहो महच्छरियचरिओ सि ॥ २५१० ॥ किं तेहिं किलीवेहिं वसिमे वि दिणे वि जे पकंपति । नंदसु तमेव जो निसिमसाणमज्झे वि निक्कंपो ॥ २५११ ॥ सोउं जणप्पसंसं लज्जाए अहोमुहो हवइ सुहडो । लोयारोवियगुरुगुणपसंसभरनमिरमुत्ति व्व ॥ २५१२ ॥
Jain Education International
For Private & Personal Use Only
www.jainelibrary.org
