________________
१९०
सिरिअणंतजिणचरियं रिउविक्कमो करालं, करवालं कलिय करयले चलिओ । पत्तो य तस्स पासे तद्दिट्ठी चिट्ठए जाव ॥ २४०९ ॥ ता नियइ तयासन्नं फुरंतमणिकिरणहयतमं एगं । .. गयणंगणेण पत्तं रविरहरयणं पिव विमाणं ॥ २४१० ॥ पडुपवणपसरतरलियनत्तद्धयरणझणंतर्किकिणियं । पुप्फोवहारपरिमलचल-अलिलोलरोलरमणीयं ॥ २४१९ ॥ मणिमत्तवारणावलिडज्झिरकप्पूरअगरुधूमेण । बहलं पि वहलयं तं बहलनिसाभवतमिस्सं व ॥ २४१२ ॥ किंकिणिसणमणुसरिडं निहियच्छी पेच्छए मणिविमाणं । निसुणइ य कोइलाकलरवेण इय जंपिरं रमणिं ॥ २४१३ ॥ जा एत्थ अत्थि छुहिओ सो आगच्छउ जहा पयच्छामि । महुरं निद्धं भोज्जं, तं सोउं चिंतियं तेणं ॥ २४१४ ॥ एयंमि विमाणे का वि देवया अहव खेयरी भविही । भोयणवेलाए न इमा ममं तु आमं निमंतेइ ॥ २४१५ ॥ ता जम्मि अहव नो गम्मए जाओ एत्थ जोइणीविंदं । कीलइ मसाणमज्जे, अहवा मह को भओ तत्तो ॥ २४१६ ॥ अवरं च लोयणाई, हवंति दट्ठव्वदरसणफलाई । तो पेच्छिज्जउ एयं, गंतुं जं कोउयं मज्झ ॥ २४१७ ॥ इय चिंतिय चउपासं, असिणा मडयस्स कड्ढिउं रेहं । मुत्तुं तदुवरि खग्गं, सयमारूढो विमाणम्मि || २४१८ ॥ तत्तो चलंतदिप्पंतवज्जमणिकणयदंडपल्लंकं । मुत्तुं गंतुं समुहं, सा तस्स अब्भुक्खणं देइ ॥ २४१९ ॥ उववेसिऊण दोलापल्लंके पायसोयणं काउं । रयणासणम्मि रम्मे, निवेसए भोयणत्थं तं ॥ २४२० ॥ दिन्नाई मणिपडिग्गहपरियलकच्चोलयाई सिप्पी य । सूवोयणरसवंजणथालीओ वि ठावियाओ पुरो ॥ २४२१ ॥
Jain Education International
For Private & Personal Use Only
www.jainelibrary.org
