________________
१८८
सिरिअणंतजिणचरियं तं निच्चेठें दटुं गोवइ सुरविक्कमो फलयपमुहं । न नियाविओ वेहिज्जइ, किं पुण जूयऽज्जिया लच्छी ॥ २३८३ ॥ उट्ठविउं ठविऊण य पहरे हरिविक्कम सयं सुत्तो । निव्बूढनियपइन्नो, सुहनिदं पावए पुरिसो ॥ २३८४ ॥ खणमवि न नियइ अन्नं पेच्छइ हरिविक्कमो मडयमेव । परिहरइ अवरकज्जं, सुमई विसमे समारुद्धो ॥ २३८५ ॥ पुणरवि विमुक्कमहिमंडलं, तयं झत्ति उट्ठिउं मडयं । सो एसो अहवन्नो, पाहरिए इय निएसुं वा ॥ २३८६ ॥ तं दट्टुं अक्खुहिओ आयड्ढइ तिव्वधारकरवालं । तम्मि पडिबिंबियं तं मरणं व तया तमल्लीणं ॥ २३८७ ॥ तो से असिप्पहारं जा वियरइ मुक्कपिक्कहक्कोसो । ता मडयपायघायाहओ गओ भूतले खग्गो ॥ २३८८ ॥ नक्खत्ताई पडिबिंबियाई दीसंति तस्स फलयम्मि । जउणाजलकल्लोले थूलामलमोत्तियाइ व्व ॥ २३८९ ।। हरिविक्कमेण विक्कमपहरं दाउं निवाडिअं मडयं ।। गहियक्कमेसु ताडइ तं जाव मसाणसूलम्मि ॥ २३९० ॥ ता पुक्करियं तेणं मयाई भूयाई धाह धाह त्ति । तो चलिया रएणं आगच्छामो त्ति भणिराइं ॥ २३९१ ॥ गहीर-ज्जलिरचियानलं जालाजडिलग्गकट्ठसंघायं । इंति मडयाई करकयदीवूसव व्व दीवियाई व ॥ २३९२ ॥ इंतं पिच्छिउं व फेक्कारजलणजालाओ । भूयाई पभूयाइं तं पइ धावंति चउपासं ॥ २३९३ ॥ रयजायसियड्ढिक्खडखडाई घोरप्पसारियमुहाई । धावंति करंकाई चउद्दिसं तं गिलेलं व ॥ २३९४ ॥ निठुरयरप्पहारे दाउं बंभंडस्स तिव्वअंताउ । उच्छलिओ रएणं ति सव्वओ नरकरोडीओ ॥ २३९५ ॥
Jain Education International
For Private & Personal Use Only
www.jainelibrary.org
