________________
१८६
तं सोउं परितुट्ठा ते वि हु मन्नंति झत्ति तव्वयणं । धणिणो वि लच्छिलाहो तोसाय न किं दरिद्दाण || २३५७ ॥ तव्वेलं रणविक्कमपमुह हव्वरवीअत्थरायपुरो । संजाओ तो पत्ता ते चत्तारि वि मसाणम्मि || २३५८ ॥ जं भूरिभूयभीमं बीभच्छं नरकरंकनियरेण । सिवफेक्कारकराणं, दुग्गंधडज्झिरसवेहि ॥ २३५९ ॥
सिरिअणंतज़िणचरियं
ताण समप्पियमडयं रएण चलिओ जणो असेसो वि । भयमवरं पि मसाणं जणइ न किं जोइणीपीठे || २३६० ॥ पविसित्तु पुरीमज्झे झत्ति पउलीओ तेण पिहियाओ । भूयाइअहिट्ठियमडयपुरिउवद्दवभएणं च ॥ २३६१ ॥
दट्ठं मसाणदेसा वेगेण जणं गयं पुरीमज्झे । सूरो वि पविट्ठो सायरम्मि भीओ व्व तस्स दुयं ।। २३६२ || रविपियनासे कुंकुमरसारुणा उल्लसंततमविहुरा । संझावहू अमंगलमंडणमंडिअ तणु व्व ठिया || २३६३ || वित्थरियं सव्वत्थ वि तिमिरं भमपउलसामलच्छायं । दिसि दिसि पज्जलियचिया चक्कुब्भवधूमपडलं व ॥ २३६४ ॥ पयडीहवंति पउरा, समंतओ तारया गयणगब्भे । ठाणट्ठाणच्चियानलजालुच्छलिया फुलिंग व्व ॥ २३६५ ॥ एत्थंतरम्मि रणविक्कमेण लहुभाइणो इमं भणिया । भो भायरो ! भवंतो भणामि भूरीणिहभयाणि ॥ २३६६ || एक्कं निसा बीयं तु उव्वसा तइयगं पुण मसाणं । मडयाओ तं चउत्थं, पंचमयं जोइणीवीढं ॥ २३६७ ॥ ता साहासिकरसियाण जग्गमाणाण पभवए न भओ । पायं पमत्तचित्तो छलिज्जए नेव अपमत्तो ॥ २३६८ ॥ ता सुरविक्कम ! पढमे जामे जग्गसु तमेव उवविसिउं । वाहिज्जंसि बालतेण जेण तं सेसपहरेसु ॥ २३६९ ॥
Jain Education International
For Private & Personal Use Only
www.jainelibrary.org
