________________
१८४
सिंगाररंगसाला, विलासकलहंसविमलकमलाली । गुणकुसुमावलिमाला, लीलामयदुद्धसिंधुसिरी ।। २३३१ ॥ सद्धिं समाणविन्नाणजाणजोव्वणमणोहरसहीहिं । कीलंती हेलाए, हरइ मणोनयरितरुणाणं ।। २३३२ ॥ अह अन्नया सहीयणमज्झगयाए नहाओ तीए पुरो । पडिओ दड त्ति दीहो, सामलसप्पो फुरियदप्पो || २३३३ ||
सिरिअणंतजिणचरियं
अट्ठट्ठियनियदेहदंडफारप्फणग्गमणिकिरणा ।
जस्सुल्लसंति रविकिरणमच्छरेणं व जुज्झेउं ॥ २३३४ ॥ निल्लालंतो अच्चंतरत्तमुत्तरलजीहियाजुयलं । कइइव्व दुन्ह इत्थीरयणाणं सरणमणुप्पत्तं ॥ २३३५ ॥ सप्पो सप्पो त्ति पयंपिरीओ नट्ठाओ से वयंसीओ । ईयरम्म वि बीहिज्जर किन्न अवाए सरणरूवे ॥ २३३६ ॥ नासंती सेट्ठिसुया, दट्ठा अंगुट्ठयम्मि पायस्स । जणमज्झम्मि वि जायइ, जमज्जियं जेण तं तस्स ॥ २३३७ ॥ दट्ठा दट्ठा अहिण त्ति जंपिरी भयभरब्भसिरमुत्ती । पडिया दड त्ति मुच्छा, पच्छाइयअच्छिसयवत्ता || २३३८ ॥ वेणीदंडो भमरउलसामलो कंठकंदले तीए । परिभमिओ लक्खिज्जइ, सक्खं चिय कालपासो व्व ॥ २३३९ ॥ मुत्ताहरणगणफुरियकिरणपब्भारधवलियंगी सा ।
विसहरविसहरणत्थं, नज्जइ अमयाहिसित्त व्व
२३४० ॥
जीए विरलट्ठियउट्ठ- पुडविणिस्सरियदंतपहपवहो । जीवो व्व विणिग्गच्छइ, विस-जलणुत्तावभीओ व्व ॥ २३४१ ॥ तो झत्ति जणयजणणीजणेण मणि- मंत-तंत- जंतेहिं । उवयरिहाए वंमये होइ गुणो थेवमेत्तो वि ।। २३४२ ॥ पाउससरि व्व अविरयविसरयलहरीहिं पूरिया दूरं । सउणाण नियंताण वि पत्ता अव्वाहियं तो सा || २३४३ ॥
Jain Education International
For Private & Personal Use Only
www.jainelibrary.org
