________________
१६९
अणंतजिणदेसणा दायगसुद्धं तं चेव होई, जो दायगो विसुद्धमई । नाओवज्जियवित्तो उदारपयई पसंतप्पा ॥ २१३८ ॥ विगयमओ निम्माओ, लोहविहूणो थिरो गहीरमणो । कप्पाकप्पविहिन्नू, हियकारी देवगुरुभत्तो ॥ २१३९ ॥ सत्थासओ सया वि हु, असेसकम्मक्खयत्थमुज्जुत्तो । दिन्नि वि निरणुतावी, सुगम्मो तु सयललोयस्स ॥ २१४० ॥ गाहगसुद्धं तं चेव, गाहगो जो तिगुत्तिसंजुत्तो । पंचसमिओवउत्तो संधारओ समयविन्नाया ॥ २१४१ ॥ उग्गम-उप्पायण-एसणा, विसुद्धऽन्नपाणकयवित्ती । सुहसीलंगट्ठारससहस्सलंकारधरमुत्ती ॥ २१४२ ॥ विकहारिउ तव-संजमुज्जओ सच्च-सोयसंपन्नो । निग्गंथो गीयत्थो, दयापरो समतिणमणी य ॥ २१४३ ॥ नीरागो निद्दोसो, चत्तममत्तो नियम्मि वि सरीरे । सज्झायज्झाणरओ, निरीहचित्तो य सुस्समणो || २१४४ ॥ देयविसुद्धं तं चिय, जं देयं कप्पए सुसाहूणं । नवकोडीसु विसुद्ध, धम्मसरीरस्स वुड्ढिकरं ॥ २१४५ ॥ असणाई आसणाई, अवस्सयाई उ वत्थपत्ताई । नाउवज्जियमुग्गम-उप्पायण-एसणासुद्धं ॥ २१४६ ॥ कालविसुद्धं तं चिय, उवभोगे जस्स होइ जो कालो । दायव्वं तईय च्चिय, तयं जओ एरिसं भणियं ॥ २१४७ ॥ काले दिन्नस्स पहेणयस्स अग्घो न तीरए काउं । तस्सेव अथक्कपणामियस्स गिण्हतया नत्थि ॥ २१४८ ॥ भावविसुद्धं तं जं दिज्जइ मुणिणो इमं सुपत्तं ति । आयाणुग्गहबुद्धीए, वद्धमाणाए सद्धाए ॥ २१४९ ॥ पडिवत्तीए परमाए, उल्लसंतीए भूरिभत्तीए । .. अन्नाई य सासंसा रहियं धम्मत्थिसद्देहिं ॥ २१५० ॥
Jain Education International
For Private & Personal Use Only
www.jainelibrary.org
