________________
१६८
पढममिहनाणदाणं बीयं सत्ताणमभयदाणं ति । धम्मोवग्गहदाणं तइयं तत्था इमं मुणह ।। २१२५ ।। जाणिज्जइ जेण हियं, भक्खं पेयं च तह उवादेयं । नज्जंति पाडिवक्खा, वि तह इमाणं चउन्हं पि ।। २१२६ ।। नाएण हियाईणं, आयरणं कीरए सुहाण सया । अहियाइं णच्चा उ य सुहवत्थूण निच्चं पि ॥ नवभत्तपरिन्नाणं, च होइ उल्लसइ निम्मलविवेओ तद्दाणं पुण जाय जह मोक्खकरं तह कहेमि ॥ अहिज्जइ सिद्धंतो, पाढिज्जंति य विणीयवरसिस्सा | देसिज्जइ तयत्थो, कीरंति य पट्टियाईणि ॥ २१२९ ॥ जेण विइन्नं नाणं, सत्ताणं तेण सव्वमवि दिन्नं । जे नाउं ते धम्मं, काऊणं सिवपयमुविंति ॥ २१३० ॥ बियं तु अभयदाणं, तं पुढवि- दगग्गि- वाऊ - रुक्खाण । बि-ति- चउ-पंचिंदीणं च रक्खणे होइ सत्ताण || २१३१ ॥ तण्हाछुहारुयाहिं, सयमेव किलिस्समाण सत्ताण । जो देइ अभदाणं, तेण न किं तिहुयणे दिन्नं ॥ २१३२ ॥ अच्चंतदुत्थया वि हु, विसमावडिया वि वाहि - विहुरा वि । जीविउमेव य वंछंति, पाणिणो नूण नो मरिउं ॥ २१३३ ॥
ता अप्पं पिव सव्वे वि, पालणिज्जा सया पयत्तेण । जेण न लाभो वि मुहा य, ताण मरणे जओ भणियं ॥ २१३४ ॥ कणयगिरिं दिज्जंतं, रज्जं वा सयलमंडलाणुगयं ।
मारिज्जतो सव्वं, चईऊणं जीवियं महइ ॥ २१३५ ॥ नीरोगतं दीहं च जीवियं देहबलपरिप्फुरणं । जीवदयाए जायइ, जीवाणं असमसोहग्गं ॥ २१३६ ॥ तइयं च धम्मोवग्गहदाणं तं पंचहा विणिद्दिठं । सुद्धं दायग-गाहग- देएहिं सकाल - भावेहिं ॥ २१३७ ॥
Jain Education International
सिरिअणंतजिणचरियं
For Private & Personal Use Only
२१२७ ।।
।
२१२८ ॥
www.jainelibrary.org
