________________
१६६
सिरिअणंतजिणचरियं जंपाण-सुहासण-नरविमाण-लंघिणिय-वहिलचडिएहिं । सत्थाह-सेठि-ईसर-पउरेहि य अणुसरिज्जतो ॥ २०९९ ॥ बंदीहिं पढिज्जंतो, वज्जिरजयतूरपूरियदियंतो । नरनाहअणंतबलो, संपत्तो समवसरणं तं ॥ २१०० ॥ तह नहपह-भमिरामर-कहण-परिण्णायनाहनाणमहा । बहुदेस-महीवइणो, महरिह-रिद्धीए संचलिया ॥ २१०१ ॥ तं मज्झे नवजोव्वणउव्वणदेहा कुसग्गसममेहा । रूवविणिज्जियसयणा, सवणंतक्खलियपिहुनयणा ॥ २१०२ ॥ निस्सेसकलाकुसला, करि-हरि-रह-जोह-रूवभूरिबला | पन्नाससंखजलपमुहनिवइणो झत्ति संपत्ता ॥ २१०३ ॥ तो वावीजलण्हाया चत्तछत्ताइनिवअलंकारा । सव्वे वि पढमपायारमज्झसंठवियनियजाणा ॥ २१०४ ॥ नरवइअणंतबलपमुहराइणो उत्तरहुवारेण । पविसंता दिट्ठजिणा, भणंति जय जय पहु त्ति ॥ २१०५ ॥ दळु देवाईए पयाहिणते जिणं नरिंदो वि । दाउं पयाहिणतिगं, थुणंति पणमिय कयंजलिणो ॥ २१०६ ॥ . जय ससुरासुरतिहुयणजणपणमियपाय ! तिजयजणराय । जय अच्चब्भुयपुन्नप्पयरिससंपत्तमाहप्प ! ॥ २१०७ ॥ जय पुन्निमरयणीरमणवयण ! नररयण ! कमलदलनयण ! । जावज्जीवं पि भवेज्ज सामि ! अम्हाण तं सरणं ॥ २१०८ ॥ एवं थोऊण बलं पहुं अणंतबलरायपमुहनरवइणो । इंदसहाए पिट्ठिप्पएसमणुसरिय उवविट्ठा ॥ २१०९ ॥ पूरिज्जई गयणयलं इंतामरखयरमणिविमाणेहिं । .. भूमंडलं पि परिचलियरायचउरंगचक्केहिं ॥ २११० ॥ तिहुयणअच्चब्भुयरिद्धिवित्थरं पेच्छिउं समवसरणं । अमरा पमोयमइरामएण जाया पराइत्ता ॥ २१११ ॥
Jain Education International
For Private & Personal Use Only
www.jainelibrary.org
