________________
१६५
अणंतजिणसमवसरणवण्णणं मूसय-मज्जाराणं मज्जार-साणरयाण संजाओ । मित्तीभावो तह करि-हरीण हरि-सरहयाणं च ॥ २०८६ ॥ महिसय-तुरंगमाणं विरुय-उरब्माण नउल-सप्पाणं । सेणाधरपक्खीणं च पणयभावो समुप्पन्नो ॥ २०८७ ॥ सासयविरोहिणो वि हु संजाया जत्थ असरिससिणेहा । चत्ता वि पउत्था तत्थ नियमओ अहिणववेरस्स ॥ २०८८ ॥ एत्थंतरम्मि उज्जाणपालओ कुसुमपरिमलो नाम । गंतुं पडिहारपवेसिउं निवं नमइ अत्थाणे ॥ २०८९ ॥ विन्नवइ य पहु ! देविंदविंदवंदिज्जमाणकमकमलो । सहसंबवणुज्जाणे संपत्तोऽणंतजिणराया ॥ २०९० ॥ तस्सुप्पन्नमणंतं नाणं तव्वंदणस्थममरिंदा । बत्तीस वि संपत्ता तेहि विरइयं समोसरणं ॥ २०९१ ॥ तत्थुवविट्ठो सामी चामीयरसच्छहत्थविच्छाओ । तन्नाम पि पहूणं सुहयं इय विन्नवेमि अहं ॥ २०९२ ॥ सुयनियजणयागमणो, राया रोमंचअंचिओ तस्स । वियरइ पीइपयाणे, धणद्धतेरससयसहस्से ॥ २०९३ ॥ तयणुसिणाणं काउं, परिहेउं देवदूसवत्थाई । विप्फुरियकिरणभररयणभूसणालंकियसरीरो ॥ २०९४ ॥ मयगंधलुद्धमुद्धालिजालकलिए करेणुरायम्मि । आरूढो पोढपुरंधिविंदगुंजंतविमलगुणो || २०९५ ॥ मुत्तावचूलविलसंतछत्तअंतरियतिव्वरवितावो । वीइज्जंतो कमणीयकामिणीचारुचमरेहिं ॥ २०९६ ॥ मंडलियाहिट्ठियगरुयगयघडाघडियगाढपरिवेढो । रायारुहणालंकरियसंदणस्सेणिसंजुत्तो ॥ २०९७ ॥ सामंतसणाहतुरगराइरायंतचारुचउपासो । तिव्वयरपहरणग्गहणवग्गपाइक्कपरियरिओ ॥ २०९८ ॥
Jain Education International
.For Private &Personal Use Only
www.jainelibrary.org
