________________
१६४
सिरिअणंतजिणचरियं
एस पहू एयारिसगंभीरसरेण देसणं काही । इय तिजयस्स वि कहिलं व वज्जिया झत्ति दुंदुहिणो ॥ २०७३ ॥ निम्मलगुणगणजुत्तं, सुवन्नकलसं सियं सुहच्छायं । कयसुकयपुरिसविंदं व सहइ छत्तत्तयं पहुणो ॥ २०७४ ॥ एवं अट्ठमहापाडिहेरलच्छीहिं तिहुयणेक्कगुरू । अणुसरिओ सरियाहिवसमंतओ खीरनीरनिही ॥ २०७५ ॥ कल्लाणमयं सारं सुपवित्तं नाहिमाणसहियं च । आभाइ धम्मचक्कं, पहुणो पुरओ जिणकुलं व ॥ २०७६ ॥ तिजयजणजगडणुब्भडमयणजयपत्तजयपडाय व्व । धम्मद्धओ विरायइ, पहुणो पुरओ कणिरघंटो | २०७७ ॥ एत्थंतरे चउव्विहसुरखेयरनरतिरिच्छपरिसाओ । पत्ताओ विविहजाणेहिं, तह य पायप्पयारेहिं ॥ २०७८ ॥ वेमाणियदेवीओ, पुव्वपउलीए पविसिउं पहुणो । पंचंगपणइपुव्वं, दाऊण पयाहिणाण तिगं ॥ २०७९ ॥ नमिडं थोऊण य सामिसालमह पुव्वदाहिणदिसाए । गंतूणुड्ढट्ठाणेणं, संठियाओ नियंति पहुं ॥ २०८० ॥ भवणाहिव-वंतर-जोइसाण देवीओ दाहिणिल्लेण । दारेण पविसेउं काऊण पयाहिणाईयं ॥ २०८१ ॥ पणिहाणप्पज्जत्तं नेरइयदिसाए उद्धट्ठाणेण । ठाउं कमेण सामि पलोयमाणाओ चिट्ठति ॥ २०८२ ॥ भवणाहिव-वंतर-जोइसा सुरा पच्छिमप्पउलीए । पविसिय जिणनमणाई, काउं वायवदिसाए ठिया || २०८३ ॥ वेमाणिया सुरा माणवा य नारीओ उत्तरिल्लेण । दारेण पविसिय जिणं पणमिय चिटुंति ईसाणे || २०८४ ॥ सासयविरोहिणो वि हु संजायअसमस्सिणेहसंबंधा । मयपहुणो तिरिया मणिकंचणसालंतरम्मि ठिया ॥ २०८५ ॥
Jain Education International
For Private & Personal Use Only
www.jainelibrary.org
