________________
१६०
धन्नो सि तुममहो, विजय ! पत्तं तए जए पत्तं । जयजणमज्झे दाणं दाउं एयस्स सुररिसिणो ॥ २०२२ ॥ न तुमाहिंतो अन्नो, पुन्नपयं को वि इह पुरे जाओ । चिंतामणी अहन्नं न चेव जइ वा समल्लिया || २०२३ ॥ एवं अमरासुरमाणवेहिं विजओ सलाहिओ दूरं । जाओ य पहुपभावा, भवोयही गोपयसमाणो ॥ २०२४ ।। भयवं पि भुवणनाहो, मंथरतररइयचरणसंचरणो । गंतूण पुरुज्जाणे पइट्ठिओ काउसग्गम्मि ॥ २०२५ ॥ जह लाहं अवरेहिं वि रायरिसीहिं पुरे गहिय भिक्खं । विहियं पारणयं तयणु ते वि पहुपासमणुपत्ता || २०२६ ॥ गोससमयम्मि चलिओ, पणमिज्जंतो सुरासुरनरेहिं । गामनगरा गराइसु विहरइ अब्भुज्जयविहारो ॥ २०२७ ॥ उप्पायंतो तोसं जणस्स उवसंतकंतमुत्तीए । अवहरमाणो पावं पहु पणमिरपहियलोयाण || २०२८ ॥
सिरिअणंतजिणचरियं
सक्काइचउव्विहसुरनिकायवंदिज्जमाणकमकमलो । पूइज्जतो य समीवं, देसनिवईहिं निच्चं पि ॥। २०२९ ॥ छट्ठट्ठमदसमदुवालसद्धमासाइ अट्ठमासंतं । निच्चयरतवच्चरणं कुव्वंतो देहनिरवेक्खं ॥। २०३० ॥ मलयंग-वंग - कुंतल - कलिंग - मालवय- केरलाईसुं । विसएसु विहरमाणो, अवहरमाणो जणदुहाई || २०३१ || गिण्हम्मि रविकरुत्तत्तवालुयापुलिणविहियउस्सग्गो । रविबिंबनिहियनयणो, आयावंतो दिणंतं जा || २०३२ || वासासु गिरिंदगुहाकुहरंतररइयकाउसग्गठिओ । चउमासकयुववासो विसहंतो दुस्सहं धम्मं ॥। २०३३ || सीयसमयम्मि हिमकणविमिस्सवाएहिमभिभविज्जंतो । रयणीसु निरावरणो, निज्जरणीनीरतीरम्मि || २०३४ ॥
Jain Education International
For Private & Personal Use Only
www.jainelibrary.org
