________________
१५७
अणंतजिणदिक्खावण्णणं पक्खिवइ कुंतले सक्कउत्तरीयम्मि तिहुणेक्कपहू । तो ते सक्को वि हु खीरनीरनाहिम्मि निक्खिवइ || १९८४ ॥ एत्थंतरम्मि सक्काएसा मोणट्ठियम्मि तिजयजणे । पहु-पिट्ठ-ठिए दिक्खागहणुज्जयनरवइसहस्से ॥ १९८५ ॥ सिद्धाण नमोक्कारं, काउं सामी महापइन्नभरं । सव्वं पि पावकम्मं, मज्झमकरणिज्जमिय लेइ ॥ १९८६ ॥ तयणु हरिणा जिणेसरखंधम्मि देवदूसमइसुहुमं । निम्मोयमउय एक्कं मुक्कं देहावरणकज्जे ॥ १९८७ ॥ इत्थंतरे सुरासुर-नहयर-नरनियरपाणिप्पम्मुक्का । वज्जतदुंदुहीसुं, पडंति वासा सिरे पहुणो ॥ १९८८ ॥ वयराहणाणंतरमेव, सामिणो तुरियमुभयहा नाणं । मणपज्जवाभिहाणं, जायं किं नो हवइ गुरुणो ॥ १९८९ ॥ नरनाहसहस्सेण वि, वत्थाहरणाई उज्झिउं झत्ति । पहुणो अणुमग्गेणं दिक्खा अंगीकया तत्थ ।। १९९० ॥ तयणु चउब्भेया वि हु, अमरा खयरेसरा नरिंदा य । भुवणगुरुं भत्तिब्भरभरियमणा पणमिय थुणंति ॥ १९९१ ॥ जय सामि ! संजमसिरिसिंगारविरायमाण सिग्धं पि । लोयालोय-पयासय-केवलकमलालओ होसु ॥ १९९२ ॥ इय थोऊण जिणिदं, नहयरनाहा गया सट्ठाणेसु । पिउवयगहणुब्विग्गोऽणंतबलनिवो वि नियभवणे ॥ १९९३ ॥ सक्काईया सुरिंदा पुणरुत्तप्पणयसामि-कम-कमला । नंदीसरे जिणेसरपूयं काउं गया सग्गे ॥ १९९४ ॥ सिरिअम्मएवमुणिवइविणेयसिरिनेमिचंदसूरीहिं । विहिओ वय-पत्थावो तइज्जओऽणंतजिणचरिए ॥ १९९५ ॥ छ ।
Jain Education International
For Private & Personal Use Only
www.jainelibrary.org
