________________
१५६
आयन्नंतो खेयरसुरचारणमंगलावलीपाढे । अवलोयंतो गयणे, सुरंगणाजणियनट्टाई || १९७१ ॥ ताण अहोभागम्मिं, खेयरतरुणीयणं पणच्वंतं । करणंगहारपेच्छय,जणच्छिसुहयं निरूवेंतो ॥ १९७२ ॥ नरनारीनियरारद्धसुद्धअसरिसविणोयसंघायं । ठाणे ठाणे नियनयणगोयरप्पत्तमिक्खंतो ॥ १९७३ ॥ जय जीव नंद पावसु, मणच्छियं ईय जणुत्तआसीहिं । वहिरंतो बंभंड, चउपासं उल्लसंतीहिं ॥ १९७४ ॥ . वियरंतो दाणाई, जणयंतो माणणीयसम्माणं । दितो दिट्ठि सनरामरासुरचलिरतिजयजणे ॥। १९७५ ॥ पुरतिय- चउक्कचच्चररच्छानट्टेसु विरईयविलंबो । पत्तो पुव्वुत्तरदिसि, सहसंबवणम्मि उज्जाणे ॥। १९७६ ।। जं पवणसमुल्लासियसाहानिवडंतकुसुमनियरेण । तिहुयणपहुणो पूयं, व कुणइ गुरुभत्तिभावेण ॥ १९७७ ॥ जं कलकंठीकुलकलरवेण पढइ व्व सामिसालगुणे । भमररुणिज्झुणिएहिं, गायइ पहुणो गुणोहं व ।। १९७८ ।। तम्मि पविट्ठो नाहो, तिहुयणजणजणियजयजयारावो । हरिकरकयावलंबो, सिवियाए सलीलमुत्तिन्नो ।। १९७९ ।। रज्जाहिसेयउ वरिसलक्खपन्नरसगे वइक्कंते । वइसाहासियचउदिसि, तिहीए अवरन्हसमयम्मि ।। १९८० । रेवनक्खत्तमुवागयम्मि, चंदम्मि विहियछट्ठतवो । पच्छिमवयदेसीओ, पुव्वाभिमुही ठिओ सामी ॥। १९८१ ॥ तो अनंतबलनरिंदस्स उत्तरीयंचलम्मि निक्खिवइ । मणिभूसणारं उत्तारिऊण वरवत्थजुत्ताइं ॥ १९८२ ॥ तो भमरकारकुंतल कलावमुक्खवर पंचमुट्ठीहिं । भासइ य हरी वज्जंतस्स जहा होइ नो वुड्ढी || १९८३ ॥
Jain Education International
सिरिअणंतजिणचरियं
For Private & Personal Use Only
www.jainelibrary.org
