________________
१५१
अणंतजिणदिक्खावण्णणं ता सव्वविरइसेन्नं, समलंकिय केवलच्छसच्छेहिं । . हणिऊण भावरिऊणो, तिजयं पि. हु सुत्थियं कुणसु ॥ १९०६ ॥ इय सारस्सयपमुहा विन्नविय सुरा अणंतजिणरायं । पणमेउं संपत्ता सुरालए मणिविमाणेहिं ॥ १९०७ ॥ आयन्निय लोगंतियसुरविन्नत्तिं तिलोयकयसेवो । जणमणवंछियवरिसप्पमाणदाणुज्जुओ जाओ ॥ १९०८ ॥ एत्थंतरम्मि सोहम्मदेवलोयाहिवस्स सक्कस्स । चलियं महासणं ओहिणा तओ नायजिणदिक्खो ॥ १९०९ ॥ परिभावइ तित्थयरा भुवणजणस्सावि हरिय दारिदं । कुव्वंति वयग्गहणं ता तेसि धणं मए देयं ॥ १९१० ॥ एय चिंतिय आइट्ठो धणओ जह सामिसालभवणम्मि । निहिणो पूरेसु धणेण तह जहा अक्खया हुंति ॥ १९१९ ॥ तो धणयनिउत्तेहिं जंभगदेवेहि सामिणो भवणं । नदे॒हिं भठेहिं रायसामीहि य निहीहिं तहा || १९१२ ॥ आऊरियं समग्गं पि, कणयमणिमोत्तियजएहिं । । ते वि हु विजिया सव्वे वि अक्खया दीयमाणा वि ॥ १९१३ ॥ मंदिर-पुरतिय-चच्चर-रत्था-सुह-गोउराइठाणेसु । दिति निउत्ता पहुणा निउइणो जणमणोभिमयं ॥ १९१४ ॥ वज्ज-प्पवाल-मोत्तिय-नील-महानील-पउमरायंका । कक्केयणाइया वि हु मणिणो लोयाण दिज्जति ॥ १९१५ ॥ केऊर-कडय-कुंडल-किरीड-कडिसुत्त-कंकणाईणि । वियरिज्जंति जणाणं, रयणाभरणाणि विहिहाणि ॥ १९१६ ॥ चीणंसुय-जद्दर-देवदूस-पडिनेत्त-नम्मखोम्माइं । निच्वं पि जायमाणं, निउइणो दिति वत्थाइं ॥ १९१७ ॥ कंचण-रुप्पय-तंबय-पित्तल-अय-दारु-मट्टि-अमयाइं । रत्थाई लिंति लोया, निउयपासाओ सेच्छाए ॥ १९१८ ॥
Jain Education International
For Private & Personal Use Only
www.jainelibrary.org
