________________
१५०
सिरिअणंतजिणचरियं इयनामाणं सीहासणाई, चलियाई भोयविवसाण । तो ते नाणवियाणियजिणिंददिक्खागहणसमया ॥ १८९३ ॥ रयणाभरणालंकरियमुत्तिणो देवदूसपावरणा । रणज्झणिरकिंकिणीगणविमाणविंदं समारूढा ॥ १८९४ ॥ पवणमणनयणजइणा जवेण पत्ता अउज्झपुरि गयणं । पेच्छिज्जंताओग्गीवुत्ताणिअनयणलोएण ॥ १८९५ ॥ उत्तिन्ना अच्छीणे, नहलंबावियविमाणसंघट्टा । ते भूरिसूरिकरदुरवलोयतणुतेयभरियनहा ॥ १८९६ ॥ पेच्छंति पहुं तिहुयणअच्चब्भुयपुन्नपयरिसावासं । असरिससिंगारसिरीअहरीकयसक्कचक्कहरं ॥ १८९७ ॥ तो तियसा पयपउमं, नमिउं भूपुट्ठभालवट्ठा ते । रइयकरकमलकोसा, भत्तीए थुणंति भुवणगुरुं ॥ १८९८ ॥ जय पुन्निमरयणीरमणवयण ! गुणगयण ! कमलदलनयण ! । जय अमयमहुरनियसरउप्पाईयतिजयपरिओस ! ॥ १८९९ ॥ तित्थाहिवत्तमाणणकाणण ! वरमइसुयावधितरुण । मेरुगिरिजायमज्जण ! भवभंजण ! सामिय ! नमो ते ॥ १९०० ॥ इय थोऊणं पुणरवि मणिकुट्टिमपुट्ठभालवट्ठा ते । पणमित्तु मउडतडघडियकरपुडा विन्नवंति पहुं ॥ १९०१ ॥ पहु ! मोहमहन्नवमज्जमाणजंतूण जाणवत्तं व ।। अब्भुद्धरणसमत्थं, तित्थं संपइ पयट्टेसु ॥ १९०२ ॥ अइनिम्मलनाणत्तयविन्नायजयत्तयुच्छवत्थस्स । अम्हाण नावरज्जइ जगगुरुजीयंति विन्नत्ती ॥ १९०३ ॥ सव्वेसि पि हु जायइ, सुहावहा देव ! सुपुरिसुप्पत्ती । उदयाचंद-रवीणं आणंदं देंति भुवणस्स ॥ १९०४ ॥ करुणारसेक्कसिंधुम्मि भुवणबंधुम्मि सामिए संते ।। जइ अंतरारिविसरो, उल्लसिओ ता जयं नळं ॥ १९०५ ॥
Jain Education International
For Private & Personal Use Only
www.jainelibrary.org
