________________
१४८
नरनाह - मंडलेसर - सामंत - सुयाओ रम्मरूवाओ । नवजुव्वणुव्वणाओ, कुमरो परिणाविओ पिउणा ॥ १८६७ ॥ ताहिं सह विविहकीलाविणोयवक्खित्तमणपवित्तिस्स । वच्वंति अमुणियाई, तस्स जयंतस्स व दिणाई || १८६८ ॥ समवयसिंगारिवयस्स, विसरपरिवारपरिगओ कुमरो । उवविसइ जणयपासे, अत्थाणे उभयकालं पि ।। १८६९ ॥ निरवज्जं रज्जसिरिं, परिपालंतस्स तिजयपुज्जस्स ।
न कयाइ कोइ आणं, हासेण वि से अइक्कमइ || १८७० ॥ भवणवइ - वाण - मंतर - जोइसिय- विमाणवासिणो अमरा । आगंतुं कइयाइ वि, के वि हु पणमित्तु भत्ती || १८७१ ॥ गायंति निम्मलगुणे, नट्टाइं पयट्टयंति परमाई । गच्छंति य सट्ठाणे, काउणमपावमंताणं ॥ १८७२ ॥ (जुयलं ) अह - अन्नया य इंदोवणीयमणिभूसणाभिरामतणू । पावरियनायनिम्मोयमउयदेवंगवत्थदुगो ।। १८७३ ॥
सुरतरुमंजरिसेहरपरिमलपरिभमिरभमरमालाहिं ।
पावप्पयईहिं पिव, जो नज्जइ बहिं भमंतीहिं ॥। १८७४ ॥ मुहसोहा जियससिणा - उवायणीकयसुतारयालि व्व । जस्स विरायइ वच्छे, थूलामलमोत्तियस्सेणी ॥ १८७५ ॥ नवइंदनील - चूडामणि - किरणा सेहरासिया जस्स । सोहंति मंगलियखित्ता दुव्वादलोहु व्व ॥ १८७६ ॥ जो सव्वंगाभरणप्पहा - परिप्फुरणदुरवलोयतणू । सोहइ कयसन्नेज्जो व्व सव्वतेयस्सिनियरेण ॥ १८७७ ॥ दो पासट्ठियचलकर - कणंतकंकणकराहिं अमरीहं । जो वीइज्जइ ससहरकिरणेहिं व चारुचमरेहिं ।। १८७८ ॥ तस्स जयन्त्तयपहुणो, माणिक्कमहासीहासणगयस्स । सेविज्जंतस्सामर-निव - सामंताइलोएहिं ।। १८७९ ॥
Jain Education International
सिरिअणंतजिणचरियं
For Private & Personal Use Only
www.jainelibrary.org
