________________
१४६
सिरिअणंतजिणचरियं गीएहिं चच्चरीहिं, रासेहि य मंगलेहिं धवलेहिं । चारणगणत्थुईहिं य गिज्जइ चरियं भुवण-गुरुणो ॥ १८४१ ॥ पेच्छणयाइसु गच्छंति पेच्छयत्थीणि जत्थ जत्थ वणे । चिठेति तत्थ तत्थ य, कोऊहलकीलियाई व ॥ १८४२ ॥ जस्सावलोयणत्थं, सयमेव समेइ तिहुयणिक्कपहू । को तरइ वन्निउं तं, वसंतमासूसवं दिणं पि ? || १८४३ ॥ रंजिज्जंतो सामी वियरइ सुर-असुर-नहयर-नराण । भोगंग-रयण-भूसणदेवंगाईणि वत्थाणि ॥ १८४४ ॥ आयासे वि हु सामी गहणत्थं खिवइ जत्थ जत्थ करं । देवाण भावओ तत्थ तत्थ मणवंछियं लहइ ॥ १८४५ ॥ इय भुवणच्छरियकरं, कीलं अवलोइऊण भुवणगुरू । अट्ठइ दोलासिज्जाओ, तिजय-कय-जय-जयारावो ॥ १८४६ ॥ तयणु सुरेसरसेणाहिवस्स विलसंतभुयलयालग्गो । गंतूण नहयलेणं, सुरकरिणो खंधमारुहइ ॥ १८४७ ॥ छत्तालंकरियसिरो, सुरतरुणी-पाणि-चालिर-चमर-जुओ । मणिमय-विमाणट्ठियऽमर-खयर-पहु-विहिय-परिवेढो ॥ १८४८ ॥ तो रायमंडलेसर-सामंताऽऽमच्च-ईसराईया ।। करि-हरि-रह-बहिल–सुहासणाइ-जाणट्ठिया चलिया ॥ १८४९ ॥ चलिओ सलीलसुररायहत्थि-मंथरगईए गयणेण । सुर-खयर-परिगओ भूचलंतचउरंग-निवचक्को ॥ १८५० ॥ सुरदुंदुहीओ गयणे वजंति महीयले य रायाण । ढक्का-दुक्का-नीसाणपमुहआउज्जसंदोहो ॥ १८५१ ॥ पेच्छणयाई नियंतो, नर-नहयर-सुर-विलासिणि-जणस्स । रिद्धीए पहू पत्तो, नियपासायावयंसम्मि ॥ १८५२ ॥ एरावणाओ उत्तरिय फुरियमणि-रयण-किरणकलियम्मि । सीहासणे निविट्ठो, रयणसहागब्भठवियम्मि ॥ १८५३ ॥
Jain Education International
For Private & Personal Use Only
www.jainelibrary.org
