________________
१४४
सिरिअणंतजिणचरियं
तालच्छंदाहयलउडयकमन्नासरणिरघग्घरया । रमणीहिं समं तरुणा, कत्थइ लउडारसं दिति ॥ १८१५ ॥ (जुयल) भमिभमिरीओ सिंगारिणीओ लीलावईओ अवरत्थ । करतालदाणरणज्झणिरकंकणया रासयं दिति ॥ १८१६ ॥ पयबाहुबंधढोक्करकत्तरिकरघायजज्जरसरीरा । मुंडियसिरया जुझं कत्थइ पयडंति मल्लभडा || १८१७ ॥ अहमुत्तममज्झिमपत्तविरयणा (कहिति) रायचरियाई । कत्थ वि य नडा नच्चंति नाडयुत्तप्पयारेहिं ॥ १८१८ ॥ सरसीए पविट्ठाओ विलासिणीओ समं विलासीहिं । विरइयवसंतकुसुमाभरणविराइयसरीराओ ॥ १८१९ ॥ कणयमयसिंगयागयजलाभिघाएहिमदयमन्नोन्नं । पहरंति गायमाणा वसंतराएण पहुचरियं ॥ १८२० ॥ कप्पूर-चंदणुम्मिस्ससिंगियारसहया पिएण पिया । जाया सियानिलुड्डियसियपंकयरयधरगि व्व ॥ १८२१ ॥ दइया दइएणन्ना सिंगीगयम(य)मयोदयाभिहया । जं सामलियंगी बहुरत्ता जाया तमच्छरियं ॥ १८२२ ॥ केणइ पियाए खित्तो, लग्गो कुंकुमरसो सवत्तीए । तेणाणुरंजियं पि हु, तीए मुहं सामलं जायं ॥ १८२३ ॥ पररमणिसंगमासयमएण विमलं पि कलुसियं सलिलं । परनारीपरिभोगा, पावइ सत्थो वि कलुसत्तं ॥ १८२४ ॥ रमणीनयणेसु जलेण कज्जलं हरियं विरईओ राओ । सरलाण दोसमवणीय दिति सच्छा गुणं अहवा ॥ १८२५ ॥ गहियं जलेण कुसुमाभरणं रमणीयणस्स सव्वं पि । सवसीकयाओ अहवा, सुरसा सव्वस्समविलिंति ॥ १८२६ ॥ गंधव्वाणीएणं पेच्छणयं पहुपुरो समारद्धं । बत्तीसबद्धनाडयविरईयपत्तप्पयारेण ॥ १८२७ ॥
Jain Education International
For Private & Personal Use Only
www.jainelibrary.org
