________________
१४०
इत्थंतरम्मि तत्थुज्जाणे रिउछक्कसविसेसमवइन्नं । जयपहुसेवणकज्जे तप्पहूदेवाणुभावेण ॥। १७६५ ॥ तो भूमितलंतभालो बउलो आरामिओ नमिय सामि । विन्नवइ देवरिउछक्कमेवमवलोयह कमेण । १७६६ ॥ ताहि
-
सिरिअणंतजिणचरियं
पहु ! सहयारदुमसंडमंडली मंजरी रयप्पसरो । वित्थरइ भुवणगब्भे तुह विसयजणाणुराओ व्व ॥ १७६७ ॥ अंबवणट्ठिअ कोइलकुलकलकलयलरवच्छलेण तुमं । से थुणइ तिजयनायग ! भत्तीए वसंतरिउराओ ।। १७६८ ॥ तो य देव ! तुज्झप्पयावविजिओ व्व गिम्हरिउराओ । पहु-पयसेवणपत्तो, उवयाणं दंसए एवं | १७६९ ॥ वियसावियं इमेणं तुह सेज्जत्थं सिरीसदुमविंदं । सिंगारकए पाडलतरुणो वि वियासियाणेण ॥ १७७० ॥ एत्तो य रईय अहिणवघणविंद गज्जिनच्चिरमऊरं । हरिधणुगणरमणीयं वलायमाला लसंततलं ॥ १७७१ ॥ भुवणाहिव ! तुज्झ पविसिरस्स हरिखरखुरक्खयं धूलिं । गंधजलच्छडएणं, उवसमेइ पाउसो एसो ॥ १७७२ ॥ एत्तो य पुणो सरओ, उवायणे कुणइ पहु ! कमलकोसं । धवलईय तुह जसेण व, दिसिचक्कं सरवियासेण || १७७३ ॥ वित्थारइ तुह सियदंतपंतिकंतिं व चंदजोण्हाए । वियरइ तुमं व तोस, एसो वि हु रायहंसाण || १७७४ | एतो पुण हेमंतं, पहु ! पसस्सोवसोहियं पेच्छ । अप्पाणं पिव परिपुट्ठलट्ठवसहासियुल्लासं ॥ १७७५ ॥ पीवरसुपक्कनारंगि-वण- फलारुणियवणपएसेण । पयडी करेइ एसो, पहुणो नियभत्तिरायं व ॥ १७७६ ॥
Jain Education International
For Private & Personal Use Only
www.jainelibrary.org
