________________
१३९
अणंतजिणवण्णणं भूमीए बलं गयणम्मि खेयरा तदुवरिम्मि अमरयणो । . तिहुयणमिव संचलियं, भत्तीए समं भुवणपहुणो ॥ १७५२ ॥ माऊरमेहडंबरनवरंगयासयछत्तविंदेहिं ।। चिंधालमवलंबिवएहि य अलंकरितो गयणगब्भं ॥ १७५३ ।। सुरविज्जाहरचारणगणेहिं जय जय थुईहिं थुव्वंतो । उववूहिज्जंतो जय जीव चिरं इय जणासीहिं ॥ १७५४ ॥ अवलोयंतो तुंबुरुगंधव्वाणीयजणियमइरम्मं । बत्तीसबद्धपत्तप्पयट्टनटें सुरिंदस्स ॥ १७५५ ॥ सिंगारसारघणसिहिणखेयरीनियरनिम्मियं सामी । पेच्छंतो पेच्छणयं, च नच्चणी नट्टरमणीयं ॥ १७५६ ॥ छुरिया विज्जाहरनट्टनच्चणासत्तरम्मरमणियणं । तरलियच्छरियानियरं पुरिविवणिपहम्मि पेक्खंतो ॥ १७५७ ॥ घर-पुर-पायारावणसेणीसिरसंठिएहिं पुरिसेहिं । पणमिज्जंतो भामियवत्थं नारीहिं थुव्वंतो ॥ १७५८ ॥ .. ढक्का-दुक्का-तंबक्क-दुडुडुडीडउंडि-डमरु-संखेहिं । वज्जतेहिं सामंता, पूरितो सव्वबंभंडं ॥ १७५९ ॥ पुरतियचउक्कचच्चररच्छापेच्छणयविरईयविलंबो । पत्तो तिहुयणसामी वियसियबउलम्मि उज्जाणे ॥ १७६० ॥ घणतरुरविरुद्धकरप्पसरे वियइल्लकोरयुक्केरो । तारयभरो व्व दुग्गे व्व, जम्मि दिवसे वि विप्फुरइ ॥ १७६१ ॥ जम्मि य कुसमियकिंसुयरत्तासोउब्भवो रयप्पसरो । राओ व्व समुल्लसिओ नियमित्तवसंतमिलणेण ॥ १७६२ ॥ जम्मि बहुकुसुमियदुमचुंबणकज्जम्मि भमइ भमरउलं । तिणगणियसूरकरभयमुभि निय तिमिरपडलं व ॥ १७६३ ॥ तम्मि प्पविसइ सामी तिहुयणजणजणियजयजयारावो । पच्चक्खाहिं वणदेवयाहिं कयमंगलायारो ॥ १७६४ ॥
Jain Education International
For Private & Personal Use Only
www.jainelibrary.org
