________________
१३६
सिरिअणंतजिणचरियं रंजंति दिसाओ जम्मि किंसुया कुसुमरेणुपसरेण । रत्ता रंजंति परं पि अहव पुरिस व्व महिलाओ || १७१३ ॥ कयकुसुमवणससंगा वि हु महुलिहसंगं पि कुणइ वणलच्छी । अहव न जडासयाणं महिलाणेक्केण संतोसो ॥ १७१४ ॥ से पाविय मुहुमासा वणराई वियसिया न उण जाइं । महुमासपसंगे होइ नेव तोसो सुजाईणं ॥ १७१५ ॥ चिरचुंबियं पि जाई चइय अली चूयमंजरिं सरइ । मलिणसहावाणऽहवा कत्तो पडिवन्ननिव्वहणं ? || १७१६ ॥ बउलवणाई वियसियकुसुमप्पन्भारपिंगछायाई । कंचणविणिम्मियाई व जत्थ य सोहंति सव्वत्तो ॥ १७१७ ॥ एवंविहे वसंते वियंभिए भुवणजणमणाणंदे । भुवणपहू सक्काभरणरईयसिंगाररमणीओ ॥ १७१८ ॥ सिंगारियंगनरनाह-मंति-मंडलियकलियअत्थाणे । उवविट्ठो सीहासणमलंकरेउं फुरियरयणं ॥ १७१९ ॥ एत्थंतरम्मि मोत्तियवज्जावलिकलियकणयदंडकरो । पडिहारो हारोहालंकियदेहो नमइ नाहं || १७२० ॥ विन्नवइ य भालयलग्ग-करकमलकोसकमणीओ । उज्जाणपालओ पहु ! बउलो तुह दंसणं महइ ॥ १७२१ ॥ मुंचसु तमिय पहुत्ते मुक्को सो तेण पविसइ सहाए । सीमंतचुंबिमणिकुट्टिमो, पहुं नमइ भत्तीए ॥ १७२२ ॥ एक्केक्कं तुरियपियंगु-बउल-वियइल्लकलियपरिकलियं । पुरओ मुत्तुं मरगयकंचणमुत्तामणिमयं च ॥ १७२३ ॥ कंकणकिरीडकुंडलकंठे केऊरहाररमणीयं । चारुवसंताभरणं तो सो, विन्नविउमारतो ॥ १७२४ ॥ (जुयलं) विलसंतपया वियसंतअंबया फणसफलथणी सुहया । पुहु ! तुह संगममिच्छइ उज्जाणसिरी पिययम व ॥ १७२५ ॥
Jain Education International
For Private & Personal Use Only
www.jainelibrary.org
