________________
अणंतजिणवण्णणं
अट्ठण्हं जणणीओ, तित्थयराणं तु हुंति सिद्धाओ । अट्ठ य सणकुमारे, माहिंदे अट्ठ बोधव्वा ॥ १७०० ॥ दुप्पडियाराई हवंति, जणणि-जणयाई इय भुवणसामी । ईसीसि सोयवसओ, जाओ सुविवेयजुत्तो वि ।। १७०१ ।। अह भुवणपट्टू पालइ निरवज्जं रज्जमुज्जमुज्जृन्तो । उवसंतडमरडिंबं जणओ व्व जणस्स हियकारी ।। १७०२ ।। सव्वो वि हु नरनारीनियरो दट्ठूण विलसिरं सामि । अत्ताणं मन्नतो कयत्थमुव्वहइ आणंद ॥ १७०३ ॥ वंसे वि जेहिं न कया, आणा दप्पुद्धरेहिं कस्सा वि । ते वि निवा गुणरागेणमागया सामिसेवत्थं । १७०४ ॥ किंकरकरणि उव्वहरू, जस्स सक्खं सया सुरवरं वि । कीडय - कप्पनरिंदेसु, तस्स अवरेसु का वत्ता ? ।। १७०५ ॥ एत्यंतरे वसंतो संपतो कामि - मिहुणयसएहिं । उग्गीवेणु - वीणा वसंतराएण रमणीओ ॥ १७०६ ॥ कुसुमोहेण वणाई छाइयपत्ताइं जत्थ सोहंति । हिमगिरिपक्खपुडाई व हरिवज्जपहारपडियाई ।। १७०७ ॥ पडलाई पि व फेणस्स अमरनिम्महियखीरजलनिहिणो । सरयसमयुब्भवाइं अब्भाई व निवडियाइं नहा ।। १७०८ ।। (जुयलं) अनिलचल - चयमंजरिरयपसरो मल्लियाकलियकलिओ । चंदोदओ व्व दीसइ विलसिरमुत्ताहलो जम्मि ॥ १७०९ ॥
पवणुप्पाडियसियसामकुसुममिलमाणरेणुपंतिदुगं ।
गंगा-जउणीवेणी संगममिव पयडए जत्थ ॥ १७१० ॥ वियसिय अंबयरयपिंजराओ भमरावलीओ विलसंति । जत्थुज्जाणसिरीणं कंचणमयभूसणाई व ॥ १७११ ॥ अलिरवगुंजिरपडहो कोइलकलरावमंगलुग्गारो । आयन्निज्जइ जम्मि, वम्महरज्जाहिसेय व्व ॥ १७१२ ॥
Jain Education International
For Private & Personal Use Only
१३५
www.jainelibrary.org
