________________
१२२
सिरिअणंतजिणचरियं
जय मयगलगामिय, तिहुयणसामिय, सयलसत्तहियसंजणय । जिण भवभयनासणु, जणियसुवासणु, होज्ज मज्झ तिहुयणपणय ॥ १५३२ ॥
इय थोऊण जिणिंदं भत्तिवसुल्लसियपुलयकलियंगो । करजाणुभालसंमिलियमहियलो सामिणो पयओ ॥ १५३३ ॥ इय काउं जिणमज्जणमसमपमोएण नियपहुत्तस्स । सहलत्तं कलयंता सपरियणा उठ्ठिया इंदा ॥ १५३४ ॥ नच्चेउं पारद्धा भुयसाहासहसरुद्धदिसियक्का । करयलपल्लवियनट्ठा, नहप्पहा कुसुमभरकलिया ॥ १५३५ ॥ गुरुयबहुमाणवियसियनयणब्भमरउलसोहिया दूरं । पवणुल्लासिय, कप्पडुमोहलच्छि विडंबंता ॥ १५३६ ॥ (कुलय) इय करणंगहारब्भमि-भमुहाभंगसंगयं नटें ।। सव्वे वि नयजिणिंदा इंदा नंदीसरं पत्ता ॥ १५३७ ॥ रईऊण पंच रूवे, सक्को एक्केण धरइ जिणनाहं । चमरे छत्तं वज्जं, दोहिं एक्केणमेक्केणं ॥ १५३८ ॥ तो नियपरिवारविमाणविंदपच्छाइयंबरो पत्तो ।। नयरि अउज्झाए, सूइमंदिरे गुरुयवेगेणं ॥ १५३९ ॥ पुहुपडिरूवगमवसारिऊण, मोत्तुं जिणं जणणिपासे । अवसारिय अवसोयणिविज्जं तं पणमए सक्को ॥ १५४० ॥ खोमजुयम्मि फासं, जिणस्स ऊसीसयम्मि संठवइ । कुंडलदुगं च मोत्तिय, हीरयराइं विहियसोहं ॥ १५४१ ॥ नहलंबूसगमेगं, रयणमयं लंबिमोत्तिउ ऊलं । नयणालोयट्ठाणे, अवलंबइ पहुविणोयत्थं ॥ १५४२ ॥ आणवइ ये वेसमणं, बत्तीसं मणि-हिरन्नकणयाणं । पत्तेयं कोडीओ, जिणजणयगिहम्मि पक्खिवसु ॥ १५४३ ॥ नंदाणं भद्दाणं बत्तीसा आसणाण वियरेहि । तह वत्थघुसिणघणसारचंदणाणि य समुवणेहिं ॥ १५४४ ॥
Jain Education International
For Private & Personal Use Only
www.jainelibrary.org
