________________
११३
अणंतजिणजम्मवण्णणं तो पमुइयाओ मुंचंति, सूइगेहे जिणं सजणणीयं । गायंतीओ जिणगुणे, चिट्ठति समीवट्ठाणम्मि ॥ १४२३ ॥ एवं छप्पन्नदिसाकुमारिदेवीहिं भत्तिजुत्ताहिं ।। निव्वत्तियं समग्गं, तित्थंकरजम्मकरणिज्जं ॥ १४२४ ॥ एत्थंतरम्मि सोहम्मदेवलोगाहिवस्स सक्कस्स । सुरकीलाहिं ललंतस्स, झत्ति सीहासणं चलइ ॥ १४२५ ॥ तो ओहिनाणजाणियजिणजम्मो आसणाओ उठेउं । गंतुं सत्तट्ठपयाई, पणमिउं थुणिय जिणनाहं ॥ १४२६ ॥ सीहासणम्मि ठाउं, पायत्ताणीयनामाइसइ । हरिणेगवेसि ! जंबुद्दीवे, भरहे जिणो जाओ ॥ १४२७ ॥ ता उभयहा सुघोसं, जोयणपरिमंडलं महाघंटं । तिक्खुत्तो वाएउं, घोससु जिणजम्मगमणमहं ॥ १४२८ ॥ सव्वे वि जहा अमरा इंति सभज्जा महाविभूईए । आएसो त्ति भणित्ता तो सो पत्तो सुहम्मसहं ॥ १४२९ ।। हत्थ-दुगुल्लालियलालियाए, तं हणइ तिन्नि वाराओ । तो उठ्ठिओ महंतो, घंटाए रणझणो रावो || १४३० ॥ अह एक्कगूणबत्तीस-लक्ख-घंटासुघोसो पडिप्फलिओ । तेण रणज्झणियाओ, ताओ वि सुरपुर-विमाणेसुं ॥ १४३१ ॥ बहिरंतो दिसियक्कं, उत्तासंतो नवामरसमूहं । वित्थरिओ सुरलोए, घंटागणथणरणक्कारो || १४३२ ॥ पंचप्पयारविसयासत्ता, बहुविहविणोयवक्खित्ता । तं सोउं सव्वसुरा किमिमंति ठिया वियक्कपरा ॥ १४३३ ॥ एय उवठ्ठियं विड्डरं ति भयवेविरीओ अमरीओ । परिरंभंत-नियपिए रक्खह नाह ! त्ति भणिरीओ ॥ १४३४ ॥ किब्बिसियसुरा हत्थं, मुच्छं गच्छंति भयभरुभंता । निवडंति कायरा, निब्भया पुणो हुंति सन्नद्धा ॥ १४३५ ॥
Jain Education International
For Private & Personal Use Only
www.jainelibrary.org
