________________
१०८
सिरिअणंतजिणचरियं आइसिऊण य धणयं, भंडाराई भरेइ नरवइणो । धण-कण-कप्पड-चोप्पड-मणि-रयणाभरणविसरेण ॥ १३५८ ॥ तो सा अंतो केवल-गुणसारा फलिहअक्खमाल व्व । मुत्तावलि व्व मज्झप्पविट्ठनायगमहाणंदा ॥ १३५९ ॥ पाउससिरि व्व विलसिर-अब्भंतररायहंस-विप्फुरणा । केवलनाणसमिद्धि व्व गब्भगयतिहुयणालोगा ॥ १३६० ॥ तित्थयरेणं गब्भट्ठिएण, एवं विरायमाणी सा ।। तह कारिज्जंती पंच, सामियप्पमुहकिरियाओ ॥ १३६१ ॥ अइसीयं अइउन्हं, अइतित्तं अइकडं अइकसायं । अइअंबं अइलवणं, अइमहुरं भुंजइ न भोज्जं ॥ १३६२ ॥ जेमइ हियं जं च मियं जं पुण बल-ओय-कंति-वुढिकरं । देवोवणीयमवि तं, आहारइ विज्जउवइनें ॥ १३६३ ॥ गब्भाहाणदिणाओं गए सवायम्मि मासनवगम्मि । वइसाहसामतेरसितिहीए पउणड्ढरत्तम्मि ॥ १३६४ ॥ रेवइरिक्खुवभोगं, पत्ते चंदम्मि मीणरासिम्मि । उच्चठाणट्ठियसुग्गहम्मि सुहलग्गम्मि वरयरे ॥ १३६५ ॥ खीरोदयस्सिरी विव, भवणालंकारकारयं चंदं । विलसंतनवसुवन्नच्छविरविं उदयसंज्झ व्व ॥ १३६६ ॥ उवओगं दिट्ठी विव, गोयरगयवत्थुकयपरिच्छेयं । तिहुयणउज्जोयकरं, जसपसरं सुद्धबुद्धि व्व ॥ १३६७ ॥ दीवयसिहि व्व तेयं, विद्धंसियतम-पयासियपयत्थं । वाईसरि व्व सत्थं, पयडीकयसयलपरमत्थं ॥ १३६८ ॥ मेहावलि व्व उदयं, समग्गसत्ताण विहिय आहारं । नंदणवणधरणी विव, कप्पतरूं वंछियत्थफलं ॥ १३६९ ॥ वाडी विव कुसुमभरं, अमरासुरमणुयसिरिकयावासं । सव्वंगलक्खणधरं, देवी पुत्तं पसूया सा ॥ १३७० ॥ (कुलय)
Jain Education International
For Private & Personal Use Only
www.jainelibrary.org
